By បន្ទាយមានជ័យ ៖ ជនជាតិចិន២ ទៅ៣នាក់ បម្រុងចាប់ជនជាតិថៃម្នាក់ឡើងរថយន្តត្រូវបានប្រជាពលរដ្ឋឃាត់ទុក ត្រូវបានសមត្ថកិច្ចនាំខ្លួន នៅថ្ងៃទី១៨ ខែឧសភា ឆ្នាំ២០២៥ ចំណុចដីស ស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
ប្រជាពលរដ្ឋប្រាប់ថា ៖ មានជនជាតិចិន២ ទៅ៣នាក់បានចូលចាប់ជនជាតិថៃម្នាក់ ក្នុងហាងកាហ្វេ យីហោអេឌែន បម្រុងចាប់ចូលរថយន្តហ្វត១គ្រឿង ត្រូវបានប្រជាពលរដ្ឋនាំគ្នាឃាត់ខ្លួន ហៅសមត្តកិច្ច មានមន្ត្រីប៉ុស្តិ៍នគរបាលសង្កាត់អូរជ្រៅ ចុះអន្តរាគមន៍ឃាត់ខ្លួនទាំង៣ទៅ៤នាក់ទាំងជនបង្ក និងជនរងគ្រោះ ។
ប្រជាពលរដ្ឋបានបញ្ជាក់ថា ៖ នៅពេលជនជាតិចិន ចូលចាប់ជនជាតិថៃម្នាក់ជាបុរសឃើញមានរលាក់ទឹកក្តៅរបោកអស់មួយចំហៀងខ្លួន និងដៃរបកស្បែកដែលមិនទាន់ដឹងពីមូលហេតុ ហើយប្រជាពលរដ្ឋជិតបាននាំគ្នាឃាត់មិនអោយជនជាតិចិនចាប់ជនជាតិថៃចូលក្នុងរថយន្ត ហើយគេឃើញជនជាតិចិន២នាក់ចាប់ជនជាតិថៃដៃម្ខាង និងម្នាក់ទៀត ចាប់ចង្កេះខោរើទៅណាមិនរួច រហូតកម្លាំងនគរបាលចុះអន្តរាគមន៍ឃាត់ខ្លួន៤នាក់ ទាំងជនរងគ្រោះម្នាក់ដឹកចេញទៅបាត់ ។
កម្លាំងប៉ុស្តិ៍នគរបាលសង្កាត់អូរជ្រៅប្រាប់ថា ៖ ទំនាស់រវាងជនជាតិចិន និងថៃបានវ៉ៃគ្នាក្នុងហាងកាហ្វេមួយកន្លែង អាចជនជាតិចិនយកធុងទឹកក្តៅជះទៅលើជនជាតិថៃម្នាក់ បណ្តាលរលាក់ពេញខ្លួន ពេលមិនទាន់បានដឹងពីមូលហេតុនៅឡើយទេ តែពេលនេះកម្លាំងអធិការដ្ឋាននគរបាលក្រុងប៉ោយប៉ែត បានយកទៅសាកសួរអនុវត្តន៍បន្ត ៕
