By អាជ្ញាធរមូលដ្ឋានស្រុក Pa Mok ខេត្ត Ang Thong ប្រទេសថៃ បានសម្រេចចិត្តចេញបញ្ជាឲ្យមានការជម្លៀសប្រជាពលរដ្ឋជាបន្ទាន់ បន្ទាប់ពីទំនប់ទន្លេចៅប្រាយ៉ាបានបាក់ស្រុត កាលពីព្រឹកថ្ងៃសុក្រ ទី៧ ខែវិច្ឆិកា។ ហេតុការណ៍នេះ បានបង្កឲ្យមានជំនន់ទឹកភ្លូកចូលទៅក្នុងតំបន់លំនៅឋានរបស់ប្រជាពលរដ្ឋយ៉ាងគំហុក។
យោងតាមសេចក្ដីរាយការណ៍ពីការិយាល័យទំនាក់ទំនងសាធារណៈខេត្តដដែល ដែលត្រូវបានដកស្រង់ដោយសារព័ត៌មាន The Nation បានឲ្យដឹងថា នៅវេលាម៉ោងប្រមាណ ១១:០០ នាទីព្រឹក ទឹកទន្លេបានឡើងខ្ពស់ខ្លាំង រួមជាមួយនឹងចរន្តទឹកហូរយ៉ាងគំហុក បានធ្វើឲ្យទំនប់ទឹកបាក់ស្រុតនៅក្បែរស្ពាន Chao Phraya Pa Mok ដែលស្ថិតនៅជាប់នឹងផ្សារ Pa Mok បណ្ដាលឲ្យផ្លូវត្រូវកាត់ផ្ដាច់ទាំងស្រុង។ ភ្លាមៗនោះ បរិមាណទឹកយ៉ាងច្រើនសន្ធឹកសន្ធាប់ បានជន់លិចចូលទៅក្នុងសហគមន៍ Pa Mok យ៉ាងគំហុក។ មន្ត្រីអាជ្ញាធរពាក់ព័ន្ធ បានអំពាវនាវ និងជំរុញឲ្យប្រជាពលរដ្ឋប្រមូលឥវ៉ាន់សំខាន់ៗ និងភៀសខ្លួនទៅកាន់ទីទួលសុវត្ថិភាពជាបន្ទាន់ ដើម្បីចៀសវាងគ្រោះថ្នាក់។ នៅក្នុងសេចក្ដីថ្លែងការណ៍មួយ អាជ្ញាធរខេត្តបានបញ្ជាក់ថា «ស្ថានភាពកំពុងតែរីករាលដាលយ៉ាងឆាប់រហ័ស ហើយបានក្លាយជាកង្វល់ដ៏ធ្ងន់ធ្ងរដែលទាមទារឲ្យមានការយកចិត្តទុកដាក់ខ្ពស់បំផុត»។
ថៃចេញបញ្ជាបន្ទាន់! ជម្លៀសប្រជាពលរដ្ឋខេត្ត Ang Thong ដាច់ដោយឡែក ក្រោយទំនប់ទន្លេចៅប្រាយ៉ាប្រេះស្រាំ
