By ឧត្តមសេនីយ៍ Natthapon Narkphanit រដ្ឋមន្ត្រីការពារជាតិថៃ បានធ្វើឱ្យមហាជនចាប់អារម្មណ៍យ៉ាងខ្លាំង ខណៈដែលលោកបានឡើងជិះសាកល្បងយន្តហោះចម្បាំង Gripen-E ដ៏ទំនើបរបស់ស៊ុយអែត។ ព្រឹត្តិការណ៍ដ៏សំខាន់នេះបានកើតឡើងក្នុងអំឡុងពេលដែលលោកចូលរួមទស្សនាសាលតាំងពិព័រណ៍យន្តហោះរបស់ក្រុមហ៊ុនផលិតស៊ុយអែត Saab AB ក្នុងទីក្រុងបាងកក ដែលថៃបានចុះកិច្ចព្រមព្រៀងទិញរួចហើយ។
យន្តហោះចម្បាំង Gripen-E ត្រូវបានដាក់តាំងបង្ហាញយ៉ាងពិសេសនៅក្នុងព្រឹត្តិការណ៍តាំងពិព័រណ៍ឧបករណ៍ការពារជាតិ និងសន្តិសុខ ឆ្នាំ២០២៥ នៅទីក្រុងបាងកក។ ប្រទេសថៃបានសម្រេចចិត្តទិញយន្តហោះចម្បាំងប្រភេទនេះពីស៊ុយអែត ហើយគេរំពឹងថាការផ្គត់ផ្គង់នឹងចាប់ផ្តើមពីចុងឆ្នាំនេះតទៅ ដែលនឹងពង្រឹងសមត្ថភាពការពារដែនអាកាសថៃឱ្យកាន់តែរឹងមាំ។
វត្តមានដ៏ខ្ពង់ខ្ពស់របស់លោក Sakesan Kantha មេបញ្ជាការកងទ័ពអាកាសថៃ និងលោកស្រី Anna Hammargren ឯកអគ្គរាជទូតស៊ុយអែត ក៏បានធ្វើឱ្យព្រឹត្តិការណ៍នេះកាន់តែមានន័យផងដែរ។ ស្ថានទូតស៊ុយអែតប្រចាំទីក្រុងបាងកកបានបញ្ជាក់ថា ដំណើរទស្សនកិច្ចនេះគឺជារបត់ថ្មីមួយដែលឆ្លុះបញ្ចាំងពីភាពជាដៃគូយុទ្ធសាស្ត្រកាន់តែស៊ីជម្រៅរវាងថៃ និងស៊ុយអែត ដែលគ្របដណ្តប់លើវិស័យជាច្រើន ចាប់ពីនិរន្តរភាព រហូតដល់បច្ចេកវិទ្យាការពារជាតិទំនើបៗ។
រដ្ឋមន្ត្រីការពារជាតិថៃ ជិះសាកល្បង Gripen-E របស់ស៊ុយអែត បង្ហាញពីភាពជាដៃគូយុទ្ធសាស្ត្រ!
