By រាជធានីភ្នំពេញ ៖ ជនស៊ីវិលកម្ពុជាចំនួន៣នាក់ ដែលបានរងរបួសធ្ងន់ស្រាល ដោយសារការបាញ់ប្រហាររបស់យោធាថៃ កាលពីរសៀលថ្ងៃម្សិលមិញនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ត្រូវបានបញ្ជូនចេញពីមន្ទីរពេទ្យខេត្តមិត្តភាពកម្ពុជា-ជប៉ុន មង្គលបូរី មកកាន់មន្ទីរពេទ្យនៅរាជធានីភ្នំពេញហើយនាព្រឹកថ្ងៃទី១៣ ខែវិច្ឆិកានេះ ដើម្បីបន្តការព្យាបាល ។
នេះបើយោងតាមសេចក្ដីប្រកាសរបស់ក្រសួងព័ត៌មាននាម៉ោង១០ព្រឹក។ ករណីបាញ់ប្រហារនេះបានបណ្ដាលឲ្យជនស៊ីវិលកម្ពុជាម្នាក់បានបាត់បង់ជីវិតនៅនឹងកន្លែង និង៣នាក់ផ្សេងទៀតរងរបួសធ្ងន់ស្រាល ។
អាជ្ញាធរកម្ពុជាកំពុងតែតាមដានស្ថានការណ៍នេះយ៉ាងយកចិត្តទុកដាក់បំផុត ខណៈដែលបញ្ហានៅតាមបណ្ដោយព្រំដែននៅតែជាកង្វល់ដដែល ។
