By ទីក្រុងគូឡាឡាំពួ៖ លោកនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម កាលពីរសៀលថ្ងៃទី១៦ ខែវិច្ឆិកា ឆ្នាំ២០២៥ បានបង្ហោះសារយ៉ាងសំខាន់មួយនៅលើបណ្ដាញសង្គមផ្ទាល់ខ្លួន ដោយគូសបញ្ជាក់ពីកិច្ចសន្ទនាប្រកបដោយផ្លែផ្កាជាមួយឥស្សរជននយោបាយពិភពលោក។
ក្នុងសារនោះ លោកនាយករដ្ឋមន្ត្រី អាន់វ៉ា បានបញ្ជាក់ថា ក្នុងអំឡុងពេលនៃការពិភាក្សារបស់លោកជាមួយអតីតប្រធានាធិបតីអាមេរិក លោក ដូណាល់ ជេ. ត្រាំ លោកនាយករដ្ឋមន្ត្រី ហ៊ុន ម៉ាណែត នៃកម្ពុជា និងលោកនាយករដ្ឋមន្ត្រី អនុទីន ឆានវីរៈគុល នៃប្រទេសថៃ ភាគីទាំងអស់បានសន្យាជាថ្មីនូវការប្តេជ្ញាចិត្តយ៉ាងមុតមាំរបស់ខ្លួន ក្នុងការធានាការអនុវត្តពេញលេញ និងប្រកបដោយប្រសិទ្ធភាពនូវកិច្ចព្រមព្រៀងសន្តិភាពកូឡាឡាំពួរ។
លោកនាយករដ្ឋមន្ត្រីម៉ាឡេស៊ីក៏បានបន្ថែមទៀតថា ពួកគេក៏បានឈានដល់ការឯកភាពគ្នាថា វឌ្ឍនភាពប្រកបដោយអត្ថន័យចាំបាច់ត្រូវតែធ្វើឡើងលើបញ្ហាដោះមីន ដោយបញ្ហានេះនឹងមិនពាក់ព័ន្ធនឹងកិច្ចសហប្រតិបត្តិការពាណិជ្ជកម្មណាមួយឡើយ។
លោក អាន់វ៉ា អ៊ីប្រាហ៊ីម បានថ្លែងកោតសរសើរចំពោះការប្តេជ្ញាចិត្តផ្ទាល់ខ្លួន និងសកម្មរបស់លោកប្រធានាធិបតី ត្រាំ ក្នុងការដោះស្រាយបញ្ហាដ៏រសើបនេះ។
ប្រភព៖ លោកនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម។
