By អន្តរជាតិ ៖ កាលពីថ្ងៃទី១៥ ខែវិច្ឆិកា ឆ្នាំ២០២៥ លោក Nikorndej Plangkura អគ្គនាយកនាយកដ្ឋានព័ត៌មាន និងជាអ្នកនាំពាក្យក្រសួងការបរទេសថៃ បានប្រកាសថា ប្រទេសថៃបានទទួលការជូនដំណឹងពីអនុប្រធានតំណាងពាណិជ្ជកម្មសហរដ្ឋអាមេរិក កាលពីយប់មិញថា អាមេរិកបានស្នើសុំផ្អាកកិច្ចចរចាបណ្តោះអាសន្នលើក្របខ័ណ្ឌកិច្ចព្រមព្រៀងពាណិជ្ជកម្មប្រៀបធៀបថៃ-អាមេរិក។ ការចរចានេះនឹងបន្តឡើងវិញ លុះត្រាណាតែប្រទេសថៃបានសន្យាគោរពតាមសេចក្តីប្រកាសរួម។ លោកបានសង្ឃឹមថា នឹងរកឃើញដំណោះស្រាយឆាប់រហ័ស។
លោក Nikorndej បានបន្តទៀតថា ប្រទេសថៃបានសម្តែងការខកចិត្តចំពោះជំហររបស់តំណាងពាណិជ្ជកម្មសហរដ្ឋអាមេរិកលើបញ្ហានេះ។ ថៃបានអះអាងជាបន្តបន្ទាប់ថា បញ្ហាសន្តិសុខ និងសុវត្ថិភាព ជាពិសេសបញ្ហាទ្វេភាគីរវាងថៃ និងកម្ពុជា ត្រូវតែពិចារណាដាច់ដោយឡែកពីបញ្ហាពាណិជ្ជកម្ម ដែលជាបញ្ហាទ្វេភាគីមានផលប្រយោជន៍ទៅវិញទៅមករវាងថៃ និងសហរដ្ឋអាមេរិក។
ដោយ៖ សិលា
