By រាជធានីភ្នំពេញ៖ អាជ្ញាធររាជធានីភ្នំពេញ សូមជម្រាបជូនដំណឹងដល់សាធារណជនទាំងអស់មេត្តាជ្រាបថា ចាប់ពីថ្ងៃទី២៧ ខែវិច្ឆិកា ឆ្នាំ២០២៣ តទៅ នឹងមានការរៀបចំសណ្ដាប់ធ្នាប់សាធារណៈឡើងវិញនៅតាមដងផ្លូវសំខាន់ៗមួយចំនួនក្នុងក្រុង។
សេចក្តីជូនដំណឹងនេះធ្វើឡើងក្នុងគោលបំណងលើកកម្ពស់សោភ័ណភាព និងធានាបាននូវសុវត្ថិភាពចរាចរណ៍ជូនប្រជាពលរដ្ឋ។ អាស្រ័យហេតុនេះ សូមបងប្អូនប្រជាពលរដ្ឋទាំងអស់មេត្តាចូលរួមសហការ និងអនុវត្តតាមសេចក្តីណែនាំរបស់អាជ្ញាធរ។ ការចូលរួមរបស់លោកអ្នក គឺជាកត្តាដ៏សំខាន់ក្នុងការកសាងទីក្រុងស្អាត និងមានសណ្ដាប់ធ្នាប់ល្អ។
