By នាថ្ងៃទី ១៩ ខែ វិច្ឆិកា ឆ្នាំ ២០២៥ នេះ រដ្ឋលេខាធិការដ្ឋានកិច្ចការព្រំដែន បានប្រកាសជាសាធារណៈអំពីការជ្រើសរើសមន្ត្រីជាប់កិច្ចសន្យាចំនួន ៤៦រូប ដើម្បីចូលបម្រើការងារនៅក្នុងស្ថាប័ន។ នេះជាឱកាសដ៏ល្អសម្រាប់បេក្ខជនដែលមានសមត្ថភាព និងឆន្ទៈចង់រួមចំណែកអភិវឌ្ឍន៍ជាតិ។ កាលបរិច្ឆេទឈប់ទទួលពាក្យគឺត្រឹមថ្ងៃទី ២៨ ខែវិច្ឆិកា ឆ្នាំ ២០២៥។
ដើម្បីក្លាយជាផ្នែកមួយនៃក្រុមការងារដ៏សំខាន់នេះ រដ្ឋលេខាធិការដ្ឋានកិច្ចការព្រំដែន បានកំណត់លក្ខខណ្ឌជ្រើសរើសមួយចំនួនដូចខាងក្រោម៖
១- លក្ខខណ្ឌជ្រើសរើស៖
– ត្រូវមានសញ្ជាតិខ្មែរ និងមានអាយុយ៉ាងតិច ១៨ឆ្នាំ។
– មានឆន្ទៈមុះមុត និងមនសិការខ្ពស់ក្នុងការបំពេញការងារជូនស្ថាប័ន។
– មានការព្យាយាម តស៊ូ អត្តចរិតស្លូតបូត និងភាពស្មោះត្រង់ក្នុងការបំពេញភារកិច្ច។
– មានសាមគ្គីភាព និងស្មារតីធ្វើការងារជាក្រុមប្រកបដោយប្រសិទ្ធភាព។
– បំពេញការងារប្រកបដោយស្មារតីទទួលខុសត្រូវខ្ពស់។
ចំណែកឯបែបបទនៃការជ្រើសរើសវិញ គឺត្រូវធ្វើឡើងជា ២ដំណាក់កាល៖
ដំណាក់កាលទី១៖ ការសម្រាំង (Shortlist) ដែលនឹងពាក់ព័ន្ធនឹងការពិនិត្យ និងវាយតម្លៃយ៉ាងល្អិតល្អន់ទៅលើសំណុំឯកសាររបស់បេក្ខជននីមួយៗ ដោយគណៈកម្មការដែលបង្កើតឡើងដោយរដ្ឋលេខាធិការដ្ឋានកិច្ចការព្រំដែន។
ដំណាក់កាលទី២៖ ការសម្ភាសន៍ផ្ទាល់មាត់ ដែលបេក្ខជនដែលបានជាប់ក្នុងដំណាក់កាលទី១ ត្រូវតែឆ្លងកាត់ការសម្ភាសន៍ផ្ទាល់មាត់ជាមួយគណៈកម្មការដដែល ដើម្បីបង្ហាញពីសមត្ថភាព និងបទពិសោធន៍ផ្ទាល់ខ្លួន។
សូមកុំឲ្យឱកាសដ៏កម្រនេះកន្លងផុតទៅ!
