By ថៃ – ស្ថានការណ៍ទឹកជំនន់នៅខេត្តហាតយ៉ៃនៅតែធ្ងន់ធ្ងរបន្ត ដែលបណ្ដាលឱ្យប្រជាពលរដ្ឋជាច្រើនត្រូវរត់គេចជីវិតដោយឡើងខ្សែភ្លើង។ ស្ថានការណ៍នេះកើតឡើងនាថ្ងៃទី២៥ ខែវិច្ឆិកា ឆ្នាំ២០២៥ វេលាម៉ោង១៤:១៧នាទី។
ប្រជាពលរដ្ឋជាច្រើននៅតែជាប់ក្នុងផ្ទះរបស់ពួកគេដោយគ្មានជំនួយពីអាជ្ញាធរ ខណៈទឹកជំនន់កំពុងកើនឡើងយ៉ាងខ្លាំង។ ការបង្ហោះវីដេអូរបស់អ្នកប្រើប្រាស់ហ្វេសប៊ុក Kang Namthip បានបង្ហាញពីបុរស៣នាក់ឡើងខ្សែភ្លើងដើម្បីគេចពីទឹកជំនន់ដែលកំពុងកើនឡើង។
ក្នុងការបង្ហោះនោះមានចំណងជើងថា៖ “សូមអាណិតមេត្តាយើងខ្ញុំផង។ ជីវិតជាច្រើននៅតែរង់ចាំក្ដីសង្ឃឹមដើម្បីចេញទៅ។ ទឹកបានឡើងដល់ជាន់ទីពីរហើយ ហើយអាហារ និងទឹកក៏កំពុងអស់។ សូមជួយផង។ យើងមិនអាចទាក់ទងអាជ្ញាធរណាមួយបានទេ។ ផ្លូវផុនភីភីឆៃ វត្តពុទ្ធិការាម ទល់មុខវត្តផ្លាកគ្រីម។ ទំនាក់ទំនង៖ ០៨៦-៣៨៤២៤០៩, ០៨០-៨៥១៥៨៣៣”។
វីដេអូនេះបានទទួលការចែករំលែកជាង១២,០០០ដង និងមតិយោបល់គាំទ្រជាច្រើនពីសាធារណជន។ ស្ថានការណ៍ទឹកជំនន់នៅតែមានលក្ខណៈធ្ងន់ធ្ងរបន្ត ដែលតម្រូវឱ្យមានការជួយជ្រោមជ្រែងពីអាជ្ញាធរដែលទាក់ទង។
