By ទីក្រុងណៃពិដោ៖ ឧស្សាហកម្មទុរេនរបស់មីយ៉ាន់ម៉ាកំពុងត្រៀមខ្លួនហក់ចូលទីផ្សារពិភពលោក ដោយមានគម្រោងចាប់ផ្តើមនាំចេញផ្លែទុរេនទៅកាន់ទីផ្សារពិភពលោកនាឆ្នាំក្រោយ ឬនាឆ្នាំ២០២៧។
ប្រធានសមាគមអ្នកផលិត និងនាំចេញទុរេនមីយ៉ាន់ម៉ា បានប្រាប់ទីភ្នាក់ងារសារព័ត៌មានចិន ស៊ីនហួរ (Xinhua) ថា ដំណើរការចុះបញ្ជីជាមួយរដ្ឋបាលគយទូទៅប្រទេសចិនកំពុងដំណើរការ។ សមាគមមានគោលបំណងទាក់ទាញវិនិយោគិនបរទេស អ្នកជំនាញ និងដៃគូអាជីវកម្ម ដើម្បីគាំទ្រដល់ការកែច្នៃផ្លែទុរេនក្នុងស្រុក។
ប្រទេសចិនគឺជាអ្នកទិញផ្លែទុរេនច្រើនជាងគេបំផុតរបស់ពិភពលោក។ កាលពីឆ្នាំមុន ប្រទេសនេះបានទិញទុរេនចំនួន១៥,៦លានតោន ជាតម្លៃកំណត់ត្រា៦,៩៩ពាន់លានដុល្លារអាមេរិក។ ទីផ្សារទុរេនក៏បានឃើញការប្រកួតប្រជែងថ្មីៗផងដែរ រួមទាំងប្រទេសកម្ពុជា ដែលបានដឹកជញ្ជូនផ្លែទុរេនដំបូងរបស់ខ្លួននៅក្នុងខែកក្កដាកន្លងទៅ។
ប្រទេសមីយ៉ាន់ម៉ាមានផ្ទៃដីប្រហែល២៤២៨១ហិចតា ដែលដាំដុះផ្លែទុរេន ហើយជាង៤០០០ហិចតា ស្ថិតនៅក្នុងទីក្រុងយ៉ាំងហ្គូន។ ចំណែករដូវកាលផ្លែទុរេនរបស់ប្រទេសមីយ៉ាន់ម៉ាជាធម្មតានៅក្នុងខែឧសភា មិថុនា និងកក្កដា។
