ត្រាំ និងស៊ី សន្ទនាទូរស័ព្ទ ពិភាក្សាបញ្ហាពាណិជ្ជកម្ម និងផែនការជួបផ្ទាល់

មន្ត្រីសេតវិមានបានបញ្ជាក់ថា ប្រធានាធិបតីសហរដ្ឋអាមេរិក លោក ដូណាល់ ត្រាំ បានសន្ទនាតាមទូរស័ព្ទជាមួយសមភាគីចិន លោក ស៊ី ជីនពីង កាលពីព្រឹកថ្ងៃចន្ទ។ កិច្ចសន្ទនានេះពិភាក្សាលើបញ្ហាផ្សេងៗ រួមទាំងជម្លោះពាណិជ្ជកម្ម។

លោក ត្រាំ បានបង្ហោះនៅលើ Truth Social ថា៖ «យើងបានពិភាក្សាអំពីប្រធានបទជាច្រើន រួមទាំងអ៊ុយក្រែន/រុស្ស៊ី ហ្វេនតានីល សណ្តែកសៀង និងផលិតផលកសិកម្មផ្សេងៗ។ យើងបានធ្វើកិច្ចព្រមព្រៀងដ៏ល្អមួយសម្រាប់កសិកររបស់យើង»។

លោកបន្ថែមថា៖ «ទំនាក់ទំនងរបស់យើងជាមួយចិន គឺរឹងមាំខ្លាំងណាស់!» និងបានបញ្ជាក់ថា មេដឹកនាំទាំង២បានព្រមព្រៀងគ្នាសម្រាប់ជំនួបពិភាក្សាដោយផ្ទាល់។ កិច្ចប្រជុំលើកដំបូងនឹងធ្វើឡើងនៅទីក្រុងប៉េកាំងនាខែមេសា។

ក្រសួងការបរទេសចិនបាននិយាយថា ចិន និងអាមេរិក «កំពុងអនុវត្តធាតុផ្សំទាំងអស់នៃអ្វីដែលយើងបានព្រមព្រៀងគ្នា» ចាប់តាំងពីកិច្ចប្រជុំនៅទីក្រុងប៊ូសាន។