By អេវ៉ឺតុន បានបង្កើតប្រវត្តិសាស្ត្រដោយឈ្នះលើកដំបូងរបស់ពួកគេលើមែនឆេស្ទើរយូណាយធីដ អស់រយៈពេល ១២ ឆ្នាំនៅក្នុងព្រីមៀរលីក ទោះបីជាលេងស្ទើរតែពេញមួយការប្រកួតជាមួយនឹងគ្នាត្រឹមតែ ១០ នាក់។
ជម្លោះក្នុងក្រុមរបស់អេវ៉ឺតុនបានកើតឡើងនៅនាទីទី ១៣ ដែលបានឃើញខ្សែបម្រើ Idrissa Gueye ទះកំផ្លៀងមិត្តរួមក្រុមផ្ទាល់ Michael Keane ហើយអជ្ញាកណ្ដាលក៏សម្រេចចិត្តបណ្ដេញ Gueye ចេញ។
ទោះបីជានៅសល់គ្នាតែ ១០ នាក់ក៏កីឡាករ Kiernan Dewsbury-Hall អាចរកគ្រាប់បាល់ដ៏អស្ចារ្យក្នុងតង់ទីមួយ ហើយបានបិទបញ្ចប់ការប្រកួតទទួលជ័យជម្នះ ១-០ សម្រាប់ក្រុមភ្ញៀវ។
មែនឆេស្ទើរដែលអាចឡើងដល់ចំណាត់ថ្នាក់លេខ ៥ ប្រសិនបើបានជ័យជម្នះ បានគ្រប់គ្រងការកាន់កាប់ជាពិសេសនៅក្នុងតង់ទីពីរ ប៉ុន្ដែអេវ៉ឺតុនបានការពារយ៉ាងអស្ចារ្យដើម្បីទប់ទល់ការវាយបកក្រុមម្ចាស់ផ្ទះ។
អ្នកចាំទី Jordan Pickford របស់អេវ៉ឺតុនបានធ្វើការសង្គ្រោះដ៏ល្អជាច្រើនដង ដើម្បីរក្សាការនាំមុខរបស់ក្រុមខ្លួន។
អ្នកចាត់ការទូទៅរបស់អេវ៉ឺតុនលោក David Moyes បានបរាជ័យក្នុងការឈ្នះការប្រកួតព្រីមៀរលីក ១៧ លើកមុនក្នុងនាមជាអ្នកចាត់ការក្រុមទល់នឹងបិសាចក្រហមនៅទឹកដី Old Trafford។
