By (រាជធានីភ្នំពេញ)៖ ក្រសួងធនធានទឹក និងឧតុនិយម បានជូនដំណឹងថា ប្រទេសកម្ពុជា ទទួលរងឥទ្ធិពលពីព្យុះទី២៧ ឈ្មោះ ‹‹ភូតូ›› ក្នុងកម្រិត ៣០% ដែលនឹងបង្កឱ្យមានភ្លៀងធ្លាក់ និងខ្យល់បោកបក់ខ្លាំង ចាប់ពីថ្ងៃទី ២៦ ដល់ថ្ងៃទី ៣០ ខែវិច្ឆិកា ឆ្នាំ ២០២៥។
តាមការវិភាគរបស់អាជ្ញាធរ ព្យុះនេះកើតឡើងពីមហាសមុទ្រប៉ាស៊ីហ្វិកខាងលិច និងសមុទ្រចិនខាងត្បូង ហើយមានឥទ្ធិពលលើរបបខ្យល់មូសុងឦសានខ្លាំង។ តំបន់វាលទំនាប ខ្ពង់រាប និងមាត់សមុទ្រនឹងទទួលរងផលប៉ះពាល់ផ្សេងៗគ្នា។
ក្រសួងធនធានទឹក និងឧតុនិយម សូមអំពាវនាវដល់បងប្អូនប្រជាពលរដ្ឋ ឱ្យប្រុងប្រយ័ត្នក្នុងការធ្វើដំណើរតាមផ្លូវគោក និងផ្លូវទឹក ជាពិសេសអ្នកនេសាទតាមសមុទ្រ។ អាជ្ញាធរនឹងបន្តធ្វើការតាមដានស្ថានភាពអាកាសធាតុ និងជូនដំណឹងជាបន្តបន្ទាប់៕
