ខេត្តភ្នំជាច្រើនគ្មានភ្លៀងធ្លាក់ តែសីតុណ្ហភាពអប្បបរមាត្រឹម ១៩°C

ភ្នំពេញ – ក្រសួងធនធានទឹក និងឧតុនិយមបានផ្សាយព័ត៌មានអំពីស្ថានភាពធាតុអាកាសនៅថ្ងៃទី២៦ ខែវិច្ឆិកា ឆ្នាំ២០២៥ ដែលបង្ហាញថា តំបន់ខ្ពង់រាបជាច្រើនមិនមានភ្លៀងធ្លាក់ទេ ប៉ុន្តែសីតុណ្ហភាពអប្បបរមាត្រឹមតែ ១៩°C។

តាមរបាយការណ៍ ចាប់ពីថ្ងៃទី២៦ ដល់ថ្ងៃទី២៨ ខែវិច្ឆិកា ឆ្នាំ២០២៥ តំបន់ខ្ពង់រាបរួមមាន ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី ជួរភ្នំដងរែក និងតំបន់ជួរភ្នំក្រវាញ នឹងមិនមានភ្លៀងធ្លាក់ ដោយសីតុណ្ហភាពអប្បបរមា ១៩°C និងអតិបរមា ២៨°C។

ខ្យល់មូសុងឦសានបក់លើសមុទ្រចិនខាងត្បូង អាងទន្លេមេគង្គ សមុទ្រកម្ពុជា និងតំបន់ផ្សេងៗទៀត ដែលធ្វើឲ្យខ្យល់បក់មកពីទិសឦសាន និងទិសឧត្តរមានល្បឿនមធ្យម ៥ម៉ែត្រ/វិនាទី។

សម្រាប់តំបន់វាលទំនាប សីតុណ្ហភាពអប្បបរមា ២០°C និងអតិបរមា ៣០°C រីឯតំបន់មាត់សមុទ្រមានសីតុណ្ហភាពអប្បបរមា ២០°C និងអតិបរមា ៣០°C ដែរ។