កម្ពុជាបដិសេធយ៉ាងដាច់ខាតការចោទប្រកាន់ថាដាក់មីនថ្មី នៅក្បែរព្រំដែនថៃ

(រាជធានីភ្នំពេញ)៖ លោកជំទាវ អ៊ាត សោភា រដ្ឋលេខាធិការប្រចាំការ ក្រសួងការបរទេស និងសហប្រតិបត្តិការអន្តរជាតិ បានបញ្ចាក់ជូនសមាជិកអង្គទូត និងតំណាងអង្គការអន្តរជាតិនូវការបដិសេធយ៉ាងដាច់អហង្ការរបស់កម្ពុជា ចំពោះការចោទប្រកាន់ថា កងកម្លាំងកម្ពុជាដាក់មីនថ្មី។

កម្ពុជាសម្តែងការសោកស្ដាយយ៉ាងខ្លាំង ដែលប្រទេសថៃ បានសម្រេចចិត្តផ្អាកការអនុវត្តសេចក្តីប្រកាសរួមទីក្រុងគូឡាឡាំពួរ បន្ទាប់ពីឧបទ្ទវហេតុទាហានថៃ ជាន់មីនផ្ទុះ នៅថ្ងៃទី១០ខែវិច្ឆិកា ឆ្នាំ២០២៥។ លទ្ធផលស៊ើបអង្កេតបឋមបង្ហាញថា ការបាញ់ប្រហារដោយកងកម្លាំងថៃ គឺដោយគ្មានការបង្កហេតុញុះញង់ ហើយបានបណ្ដាលឱ្យជនស៊ីវិលកម្ពុជាម្នាក់ស្លាប់ និងបីនាក់ទៀតរងរបួស។