By ខេត្តស្វាយរៀង – អយ្យការអមសាលាដំបូងខេត្តស្វាយរៀង បានសម្រេចចោទប្រកាន់ជនសង្ស័យចំនួន ៩ នាក់ ក្នុងករណីពាក់ព័ន្ធនឹងការរំដោះជនជាប់ចោទពីបរិវេណសាលាដំបូង។
កាលពីថ្ងៃទី២១ វិច្ឆិកា ឆ្នាំ២០២៥ អយ្យការបានទទួលចាត់ការលើសំណុំរឿងដែលបង្កដោយជនសង្ស័យចំនួន ០៩ នាក់ រួមមានជនជាតិវៀតណាម ៧ នាក់ និងជនជាតិខ្មែរ ២ នាក់។ ក្នុងចំណោមនោះមានជនសង្ស័យម្នាក់ដែលគេចខ្លួន។
បទល្មើសដែលត្រូវបានចោទប្រកាន់រួមមាន៖ លួចរត់មានស្ថានទម្ងន់ទោសដោយប្រើប្រាស់អាវុធ, ទិញលក់អាវុធដោយគ្មានការអនុញ្ញាត, កាន់កាប់អាវុធ, និងប៉ុនប៉ងឃាតកម្ម។ ព្រឹត្តិការណ៍នេះបានកើតឡើងនៅបរិវេណសាលាដំបូងខេត្តស្វាយរៀង កាលពីថ្ងៃទី១៦-១៨ ខែវិច្ឆិកា ឆ្នាំ២០២៥។
ក្រោយពីធ្វើការស៊ើបអង្កេត តំណាងអយ្យការបានសម្រេចចោទប្រកាន់ជនសង្ស័យទាំងអស់តាមដីកាសន្និដ្ឋានបញ្ជូនរឿងលេខ ៦៩៧ អ.យ.យ ចុះថ្ងៃទី២៥ ខែវិច្ឆិកា ឆ្នាំ២០២៥។
