By 
(ខេត្តព្រះសីហនុ)៖ នៅថ្ងៃទី ២៧ ខែវិច្ឆិកា ឆ្នាំ ២០២៥ នាវាទេសចរណ៍ WESTERDAM ដែលមានភ្ញៀវទេសចរណ៍ជាង ១,៨០០ នាក់ បានចូលចតនៅកំពង់ផែស្វយ័តក្រុងព្រះសីហនុ។
នាវាទេសចរណ៍សញ្ជាតិហូឡង់នេះ បានមកដល់នៅម៉ោង ៩:០៥ នាទី ដោយមានបណ្តោយ ២៨៥,២២ ម៉ែត្រ និងទទឹង ៣២,២០ ម៉ែត្រ។ នាវានេះមានភ្ញៀវទេសចរណ៍សរុប ១,៨៩៦ នាក់ ដែលភាគច្រើនមកពីសហរដ្ឋអាមេរិក (៦២៣ នាក់) និងអូស្រ្តាលី (៥៣៩ នាក់)។
នាវាទេសចរណ៍នេះមាននាវិកចំនួន ៨០០ នាក់ មកពី ៣៨ សញ្ជាតិផ្សេងគ្នា។ ភ្ញៀវទេសចរណ៍ទាំងអស់នឹងស្នាក់នៅក្នុងប្រទេសកម្ពុជារយៈពេល ១ ថ្ងៃ មុនពេលចាកចេញទៅប្រទេសម៉ាឡេស៊ីនៅម៉ោង ១៩:០០ នាទី។
ការមកដល់នៃនាវាទេសចរណ៍ WESTERDAM បង្ហាញពីការរីកចម្រើននៃវិស័យទេសចរណ៍កម្ពុជា និងសក្តានុពលក្នុងការទាក់ទាញទេសចរណ៍អន្តរជាតិ។
ប្រភព៖ កំពង់ផែស្វយ័តក្រុងព្រះសីហនុ
