សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ផ្តល់ផ្ទះថ្មីជូនអតីតយុទ្ធជនពិការនៅកំពង់ធំ

កាលពីថ្ងៃទី២៥ ខែវិច្ឆិកា ឆ្នាំ២០២៥ សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត បានផ្តល់ផ្ទះថ្មីជូនលោក សេង ផល អតីតយុទ្ធជនពិការដោយសារសង្គ្រាម នៅភូមិថ្នល់ ស្រុកប្រាសាទបល្ល័ង្ក ខេត្តកំពង់ធំ។

លោក សេង ផល អាយុ ៦៤ ឆ្នាំ ធ្លាប់បម្រើកងទ័ពឆ្នាំ១៩៨៤ និងត្រូវរបួសឆ្នាំ១៩៨៩។ លោកមានកូន៥នាក់ រស់នៅក្នុងជីវភាពលំបាកខ្វះខាត។

ផ្ទះថ្មីមានទំហំ ៥ម៉ែត្រ×៧ម៉ែត្រ សាងសង់ពីសសរបេតុង ឆ្អឹងដែក មានផ្ទះបាយ និងបង្គន់អនាម័យ។ លោក សេង ផល បានថ្លែងអំណរគុណដ៏ជ្រាលជ្រៅចំពោះការឧបត្ថម្ភនេះ។