By ភ្នំពេញ៖ កាលពីយប់ថ្ងៃទី២៧ ខែវិច្ឆិកា ឆ្នាំ២០២៥ វេលាម៉ោង ១០:៣០នាទី នៅចំណុចផ្សារនាគមាស ផ្លូវ២៣០ សង្កាត់ផ្សារដើមគ ខណ្ឌទួលគោក បានកើតហេតុរថយន្តរយ៉ែថយក្រោយជ្រុលបុករុឺម៉ក និងផ្លែឈើខូចខាតយ៉ាងធំ។
តាមការរាយការណ៍ រថយន្តម៉ាក Ford ពណ៌ស លេខផ្លាក ភ្នំពេញ 2AT-8209 ដែលបើកបរដោយបុរសម្នាក់ រួមជាមួយនារីម្នាក់ទៀត បានបើករយ៉ែថយក្រោយចេញពី KTV យីហោ (ដាប់ប៊ែលយូ) យ៉ាងលឿន បណ្តាលឲ្យជ្រុលទៅបុករះម៉ូតូ រុឺម៉ក និងកង់បីឥណ្ឌា រួមទាំងផ្លែឈើរមួយចំនួនធំ។
រថយន្តបង្កបានផ្ទប់ជាប់និងរបង រងការខូចខាតយ៉ាងដំណំ។ ម្ចាស់រថយន្តបានបើកទ្វាររត់ចូកក្នុង KTV វិញបាត់ស្រមោល។
ក្រោយកើតហេតុ សមត្ថកិច្ចមូលដ្ឋាន និងមន្ត្រីជំនាញចរាចរណ៍ខណ្ឌទួលគោក បានចុះមកធ្វើការពិនិត្យ និងវាស់វែង យករថយន្តទៅរក្សាទុកជាបណ្ដោះអាសន្ន រង់ចាំភាគីទាំងសងខាងធ្វើការដោះស្រាយគ្នា។
