លោកពូទីនដាក់បញ្ជាក់៖ សង្គ្រាមនឹងបន្ត លុះត្រាតែកងទ័ពអ៊ុយក្រែនដកចេញ

ប្រធានាធិបតីរុស្ស៊ី លោកវ្ល៉ាឌីមៀរ ពូទីន បានប្រកាសយ៉ាងច្បាស់ថា សង្គ្រាមនៅអ៊ុយក្រែននឹងមិនបញ្ចប់ឡើយ លុះត្រាតែកងទ័ពអ៊ុយក្រែនព្រមដកចេញពីតំបន់ដែលរុស្ស៊ីបានបញ្ចូលជាឧបសម្ព័ន្ធ។ ការថ្លែងការណ៍នេះធ្វើឡើងកាលពីថ្ងៃទី២៧ វិច្ឆិកា នៅក្រុងប៊ីស្កេតកៀហ្ស៊ីស៊ីស្ថាន។

លោកពូទីនបានបញ្ជាក់ថា៖ “ប្រសិនបើកងទ័ពអ៊ុយក្រែនចាកចេញពីទីតាំងក្នុងបណ្ដាតំបន់ដែលរុស្ស៊ីបញ្ចូលជាឧបសម្ព័ន្ធនោះ យើងក៏នឹងបញ្ឈប់ការប្រទូស្តរ៉ាយ។ ប្រសិនបើមិនព្រមចាកចេញទេនោះ យើងនឹងវាយបណ្ដេញដោយកម្លាំងយោធា។”

ចំណែកវិមានប្រធានាធិបតីអ៊ុយក្រែនបានបដិសេធជាផ្លូវការការបោះបង់ដែនដី ដោយអះអាងថា បញ្ហាប្រាកដនិយមតែមួយគត់គឺបទឈប់បាញ់គ្នានៅតាមខ្សែរណសិរ្ស។

ក្នុងពេលជាមួយគ្នានេះ សហរដ្ឋអាមេរិកបានបង្ហាញផែនការសន្តិភាពមួយសំដៅបញ្ចប់សង្គ្រាមនៅអ៊ុយក្រែន ដែលផែនការនោះគេឃើញថាហាក់ដូចជាអំណោយផលខ្លាំងដល់រុស្ស៊ី។ ផែនការនេះត្រូវបានកែប្រែពី២៨ចំណុចមកនៅត្រឹម២៤ចំណុចវិញ។

នៅអ៊ុយក្រែន បណ្ដាហេដ្ឋារចនាសម្ព័ន្ធថាមពលរបស់ប្រទេស ពិសេសរដ្ឋធានីគៀវ និងក្រុងអូដេសា កំពុងរងការវាយប្រហារខ្លាំងក្លារបស់រុស្ស៊ី បណ្ដាលឲ្យទីក្រុងនោះធ្លាក់ក្នុងភាពងងឹតដល់២៤ម៉ោង។