By ខេត្តស្វាយរៀង៖ មហាជនបានរិះគន់ថា កាស៊ីណូ៦៧ បើកល្បែងបញ្ជល់មាន់ ហើយបើកឲ្យប្រជាពលរដ្ឋខ្មែរចូលលេងភ្នាល់ដោយសេរី ផ្គើនគោលនយោបាយភូមិឃុំ/សង្កាត់មានសុវត្ថិភាពដែលរាជរដ្ឋាភិបាលចេញបទបញ្ជាឲ្យរដ្ឋបាលថ្នាក់ក្រោមជាតិចុះបង្ក្រាបបិទល្បែងស៊ីសងគ្រប់ប្រភេទ។
មហាជនលើកឡើងនេះកើតឡើងនៅវេលាម៉ោង ១០០នាទីរសៀលថ្ងៃទី ២៧វិច្ឆិកា ២០២៥ នៅភូមិស្រម៉ ឃុំសំរោង ស្រុកចន្ទ្រា។ ប្រជាពលរដ្ឋស្រុកចន្ទ្រាបានលើកឡើងថា ពួកគាត់ព្រួយបារម្ភពីសុវត្ថិភាពសន្តិសុខគ្រួសារដោយប្តីនិងកូនចៅពួកគាត់បាននាំគ្នាទៅផ្សងសំណាងលេងល្បែងជល់មាន់នៅក្នុងកាស៊ីណូ៦៧។
បើតាមសមត្ថកិច្ចនគរបាលស្រុកចន្ទ្រា កាស៊ីណូ៦៧ មានទីតាំងនៅច្រកទ្វារព្រំដែនសំរោង ត្រូវបានសមត្ថកិច្ចថ្នាក់ជាតិបានចុះទៅបិទម្តងរួចហើយ ប៉ុន្តែបើកដំណើរការល្បែងបញ្ជល់មាន់វិញនៅថ្ងៃទី២៧វិច្ឆិកា២០២៥។
លោកម៉ែន អេង អភិបាលរងខេត្តស្វាយរៀង បានមានប្រសាសន៍ថា លោកនឹងពិនិត្យមើលព័ត៌មាននេះ។ ចំណែកសមត្ថកិច្ចម្នាក់បានបង្ហើបថា ម្ចាស់កាស៊ីណូប្រាប់ថា គេមានច្បាប់បើកឲ្យខ្មែរចូលលេង ដោយគេប្រមូលក្រុមញៀនល្បែងតាមបណ្តាខេត្តនានាមកលេង។
