By រដ្ឋាភិបាលវេណេស៊ុយអេឡា បានបង្កើនទំនាក់ទំនងជាមួយទីក្រុងមូស្គូ តាមរយៈការចុះហត្ថលេខាលើកិច្ចព្រមព្រៀងចំនួន១៨ឯកសារ ក្នុងពេលដែលសហរដ្ឋអាមេរិកគំរាមធ្វើប្រតិបត្តិការយោធាលើប្រទេសនេះ។
យោងតាមទីភ្នាក់ងារព័ត៌មានរុស្ស៊ី TASS កិច្ចប្រជុំលើកទី១៩នៃគណៈកម្មការអន្តររដ្ឋាភិបាលកម្រិតខ្ពស់ទ្វេភាគី ដែលដឹកនាំដោយឧបនាយករដ្ឋមន្ត្រីរុស្ស៊ីលោក ឌីមីទ្រី ឈើនីសែនកូន និងអនុប្រធានាធិបតីវេណេស៊ុយអេឡា ដែលស៊ី រ៉ូឌ្រីហ្គែស បានចុះហត្ថលេខាលើឯកសារចំនួន១៨ និងសេចក្តីថ្លែងការណ៍រួម។
ឯកសារទាំងនេះផ្តោតលើកិច្ចសហប្រតិបត្តិការក្នុងវិស័យរុករករ៉ែ អាតូមសន្តិភាព ការដឹកជញ្ជូន និងការស្រាវជ្រាវរួមគ្នា។ ឧបនាយករដ្ឋមន្ត្រីរុស្ស៊ីបានកត់សម្គាល់ថា ភាគីរុស្ស៊ីកោតសរសើរចំពោះលទ្ធផលនៃការងារ និងកិច្ចព្រមព្រៀងដែលសម្រេចបាន។
អនុប្រធានាធិបតីវេណេស៊ុយអេឡាបានអះអាងថា រុស្ស៊ីនិងវេណេស៊ុយអេឡានឹងបន្តប្រយុទ្ធរួមគ្នា ដោយជ្រើសរើសកិច្ចសហប្រតិបត្តិការជាផ្លូវល្អបំផុត។ លោកស្រីក៏បានថ្លែងអំណរគុណដល់ប្រទេសនៅតំបន់អឺរ៉ាស៊ីដែលតែងនៅជាមួយប្រទេសវេណេស៊ុយអេឡាក្នុងកាលៈទេសៈដ៏លំបាក។
កាលពីថ្មីៗនេះ រដ្ឋាភិបាលសហរដ្ឋអាមេរិករបស់ប្រធានាធិបតីដូណាល់ ត្រាំ បានបញ្ជាឲ្យមានការចល័តកងទ័ព នាវាពិឃាត និងយន្តហោះចម្បាំងទៅកាន់តែកៀកប្រទេសវេណេស៊ុយអេឡា ដោយគំរាមថាប្រតិបត្តិការយោធានឹងធ្វើឡើងឆាប់ៗនេះ។
