By ភ្នំពេញ៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មានអំពីស្ថានភាពធាតុអាកាសនៅថ្ងៃទី២៩ ខែវិច្ឆិកា ឆ្នាំ២០២៥ ដែលបង្ហាញថាទីក្រុងភ្នំពេញ និងតំបន់វាលទំនាបជាច្រើនមិនមានភ្លៀងធ្លាក់ទេ។
សម្ពាធទាបដែលកើតនៅមហាសមុទ្រប៉ាស៊ីហ្វិកខាងលិច និងសមុទ្រចិនខាងត្បូង បានវិវត្តទៅជាព្យុះទី២៧ឈ្មោះ ភូតូ (Koto) T2527 ដែលមានឥទ្ធិពលខ្លាំងលើរបបខ្យល់មូសុងឦសាន។ ព្រះរាជាណាចក្រកម្ពុជាទទួលរងឥទ្ធិពលកម្រិត ២០% នៅចន្លោះថ្ងៃទី២៩ ដល់ទី៣០ ខែវិច្ឆិកា។
សម្រាប់តំបន់វាលទំនាប រួមមានខេត្តបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម ត្បូងឃ្មុំ ព្រៃវែង កណ្តាល តាកែវ ស្វាយរៀង និងភ្នំពេញ មិនមានភ្លៀងធ្លាក់ទេ។ សីតុណ្ហភាពមធ្យមអប្បបរមា២០°C និងអតិបរមា២៩°C។
ចំណែកតំបន់ខ្ពង់រាប រួមមានខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី ជួរភ្នំដងរែក និងតំបន់ជួរភ្នំក្រវាញ ក៏មិនមានភ្លៀងធ្លាក់ដែរ ប៉ុន្តែសីតុណ្ហភាពធ្លាក់ត្រជាក់ដល់១៩°C។ សីតុណ្ហភាពមធ្យមអប្បបរមា១៧°C និងអតិបរមា២៨°C។
សម្រាប់តំបន់មាត់សមុទ្រ រួមមានខេត្តកោះកុង ព្រះសីហនុ កំពត កែប និងជួរភ្នំបូកគោ ក៏មិនមានភ្លៀងធ្លាក់ដែរ។ សីតុណ្ហភាពមធ្យមអប្បបរមា២០°C និងអតិបរមា៣០°C។
ស្ថានភាពនេះនឹងបន្តពីថ្ងៃទី២៩ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២៥។ សាធារណជនត្រូវទទួលជ្រាបជាព័ត៌មាន៕
