ឆ្លងចរន្តអគ្គិសនីបង្កអគ្គិភ័យឆាបឆេះផ្ទះជាន់ឡៅតឿនៅផ្សារច្រាំងចំរេះ

ឆ្លងចរន្តអគ្គិសនីបង្កជាអគ្គិភ័យឆាបឆេះផ្ទះពលរដ្ឋជាន់ឡៅតឿមួយកន្លែង ខូចខាតស្ទើរទាំងស្រុង រួមទាំងសម្ភារៈប្រើប្រាស់អស់មួយចំនួនធំ សំណាងគ្មានមនុស្សរងរបួស។

ហេតុការណ៍ឆាបឆេះនេះបង្កភ្ញាក់ផ្អើលកាលពីវេលាម៉ោង០៦នឹង២០នាទីយប់ថ្ងៃទី២៨ ខែវិច្ឆិកា ឆ្នាំ២០២៥ នៅចំណុចផ្សារច្រាំងចំរេះទី០២ សង្កាត់ច្រាំងចំរេះទី០២ ខណ្ឌប្ញស្សីកែវ រាជធានីភ្នំពេញ។

តាមការបញ្ជាក់ពីប្រជាពលរដ្ឋបានអោយដឹងថា គាត់កំពុងលេងនៅអង្គុយលេងក្រោមផ្ទះ ខណៈនោះគាត់ក៏បានឮសម្លេងផ្ទុះចេញពីជានឡៅតឿ។ ភ្លាមៗ គាត់បានរត់ស្ទុះឡើងមើលនៅខាងលើ ប៉ុន្តែដោយសារមានអណ្តាតភ្លើងឆេះលឿនពេក ទើបគាត់រត់ចេញមកក្រៅស្រែកបង្កការភ្ញាក់ផ្អើលដល់ប្រជាពលរដ្ឋក្បែរខាង។

អគ្គិភ័យនេះបានឆាបឆេះអស់សម្ភារៈខាងក្នុងផ្ទះអស់ទាំងស្រុង និងបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញចំនួន០៦គ្រឿង ប្រើប្រាស់ទឹកចំនួន០៣គ្រឿង។ ចំពោះមូលហេតុ សមត្ថកិច្ចបានសន្និដ្ឋានថា បណ្តាលមកឆ្លងចរន្តអគ្គិសនី។