By ខេត្តបន្ទាយមានជ័យ៖ គ្រោះថ្នាក់ចរាចរណ៍កំពុងក្លាយជាបញ្ហាធំដែលគំរាមកំហែងដល់អាយុជីវិត និងសុខភាពសាធារណៈ។ ដើម្បីដោះស្រាយបញ្ហានេះ ក្រុមមន្ត្រីចម្រុះបានចុះធ្វើការអប់រំច្បាប់ចរាចរណ៍ផ្លូវគោកដល់ប្រជាពលរដ្ឋនៅក្រុងសិរីសោភ័ណ។
ក្រុមការងារដែលរួមមានមន្ត្រីនគរបាលចរាចរណ៍ មន្ទីរសាធារណការ និងក្រុមយុវជនកាកបាទក្រហម បានចែកជូនខិត្តប័ណ្ណ ស្ទីកចំណាំងប្លាត និងធ្វើការផ្សព្វផ្សាយដល់អ្នកបើកបរទាំងអស់។
លោកស្រី ប៉ាង ច្រិប អនុប្រធានមន្ទីរសាធារណការ បានអំពាវនាវឲ្យប្រជាពលរដ្ឋគោរពច្បាប់ចរាចរណ៍ បើកបរដោយប្រុងប្រយ័ត្ន និងពាក់មួកសុវត្ថិភាព។ ការសង្កេតបានបង្ហាញថា ៦០% នៃអ្នកបើកបរម៉ូតូមិនបានពាក់មួកសុវត្ថិភាព។
មូលហេតុចម្បងនៃគ្រោះថ្នាក់ចរាចរណ៍មាន៤ចំណុច៖ កំណើនទោចក្រយានយន្ត កត្តាមនុស្ស កត្តាយានយន្ត និងកត្តាផ្លូវថ្នល់។
ក្រុមការងារបន្តអំពាវនាវឲ្យអ្នកបើកបរទាំងអស់ដាក់ខ្សែក្រវ៉ាត់សុវត្ថិភាព និងពាក់មួកសុវត្ថិភាពឲ្យបានគ្រប់គ្នា ដើម្បីកាត់បន្ថយគ្រោះថ្នាក់ចរាចរណ៍។
