By រាជធានីភ្នំពេញ៖ សហព័ន្ធកីឡាប្រដាល់គុនខ្មែរ បានចេញបទបញ្ជាថ្មីដើម្បីការពារសុវត្ថិភាពកីឡាករ-កីឡាការិនីអាយុក្រោម១៦ឆ្នាំ ក្នុងការប្រកួតប្រដាល់គុនខ្មែរ។
យោងតាមសមាជគណៈអចិន្ត្រៃយ៍ កាលពីថ្ងៃទី១៩ ខែវិច្ឆិកា ឆ្នាំ២០២៥ កីឡាករ-កីឡាការិនីអាយុក្រោម១៦ឆ្នាំ មិនត្រូវបានអនុញ្ញាតឱ្យប្រកួតដោយប្រើស្រោមដៃចេញម្រាម ឬអំបោះឆៅឡើយ។ ជាពិសេសកីឡាករអាយុក្រោម១៥ឆ្នាំ ត្រូវតែពាក់ប្រដាប់ការពារក្បាល និងកែដៃ។
នៅក្នុងបទបញ្ជាថ្មីនេះ បានបញ្ជាក់ថា កីឡាករដែលត្រូវវាយចំប្រដាប់ការពារ អាជ្ញាកណ្ដាលត្រូវផ្អាកការប្រកួត និងផ្ដល់ពេលសម្រាក២នាទី។ បើស្ថានភាពធ្ងន់ ត្រូវផ្ដល់ពេលសម្រាកបន្ថែមទៀត និងប្រើវីដេអូយឺតៗដើម្បីពិនិត្យស្ថានភាព។
សហព័ន្ធកីឡាប្រដាល់គុនខ្មែរ សង្ឃឹមថា ប្រធានសមាគមក្លឹបកីឡាករ មន្ត្រីបច្ចេកទេស និងអាជ្ញាកណ្ដាល នឹងអនុវត្តបទបញ្ជាថ្មីនេះបានត្រឹមត្រូវ ដើម្បីការពារសុវត្ថិភាពកីឡាករក្មេងៗ។
