សាកលវិទ្យាល័យពុទ្ធិសាស្ត្រប្រគល់សញ្ញាបត្រជូននិស្សិត ៣១៩ នាក់

រាជធានីភ្នំពេញ៖ សាកលវិទ្យាល័យពុទ្ធិសាស្ត្រ បានរៀបចំពិធីប្រគល់សញ្ញាបត្រជូននិស្សិតសរុប ៣១៩ នាក់ ដែលបានបញ្ចប់ការសិក្សា ក្រោមអធិបតីភាពឯកឧត្តម សុខ ពុទ្ធិវុធ ប្រធានក្រុមប្រឹក្សាភិបាលនៃសាកលវិទ្យាល័យពុទ្ធិសាស្ត្រ។

ឯកឧត្តមបានមានប្រសាសន៍ថា និស្សិតជ័យលាភីថ្ងៃនេះគឺជាមូលធនមនុស្សដ៏សំខាន់ដែលរាជរដ្ឋាភិបាលក្រោមការដឹកនាំរបស់សម្តេចហ៊ុន ម៉ាណែត នាយករដ្ឋមន្ត្រី បាននិងកំពុងត្រូវការជាចាំបាច់។

ការខិតខំប្រឹងប្រែងសិក្សា និងការតាំងចិត្តដ៏មោះមុតរបស់និស្សិត គឺជាសមិទ្ធផលដែលគួរឱ្យកោតសរសើរសម្រាប់ពួកគេក្នុងនាមជានិស្សិតជ័យលាភី។

និស្សិតដែលបានបញ្ចប់ការសិក្សានេះ គឺជាសរសៃឈាមដ៏រឹងមាំក្នុងការពង្រឹងគុណភាព ទាំងផ្នែកវិទ្យាសាស្ត្រសុខាភិបាល និងផ្នែកវិទ្យាសាស្ត្របច្ចេកវិទ្យា ជូនដល់ប្រជាជនកម្ពុជា។