កម្ពុជានាំចូលឱសថជិត៣០០លានដុល្លារ កើនឡើងជាង២០%

ភ្នំពេញ – ក្រសួងពាណិជ្ជកម្មបានបង្ហាញថា ក្នុងរយៈពេល១០ខែដំបូងនៃឆ្នាំ២០២៥ កម្ពុជាបាននាំចូលឱសថ និងផលិតផលសុខភាពដែលមានតម្លៃជិត២៨៧លានដុល្លារ។

តួលេខនេះបង្ហាញពីការកើនឡើងជាង២០ភាគរយធៀបនឹងរយៈពេលដូចគ្នាកាលពីឆ្នាំមុន។ ទីផ្សារឱសថនិងផលិតផលសុខភាពនៅកម្ពុជាត្រូវបានប៉ាន់ស្មានថាមានទំហំប្រមាណ៣០០លានដុល្លារ។

បច្ចុប្បន្ន កម្ពុជានាំចូលឱសថពីប្រភពចម្រុះ រួមមានពីឥណ្ឌា អឺរ៉ុប ចិន និងប្រទេសជិតខាងផ្សេងទៀត។ ទន្ទឹមនឹងនេះ ផលិតកម្មឱសថក្នុងស្រុកនៅមានទំហំតូច ដែលបង្ហាញពីឱកាសវិនិយោគក្នុងវិស័យនេះ។