By ខេត្តស្វាយរៀង៖ បុរសម្នាក់បានស្លាប់ភ្លាមៗក្រោយពីរថយន្តសាំយ៉ុងនិងម៉ូតូរឺម៉កដឹកត្រីបុកគ្នាយ៉ាងខ្លាំងនៅស្រុកស្វាយទាប នាព្រឹកថ្ងៃទី២៨ ខែវិច្ឆិកា ឆ្នាំ២០២៥។
ហេតុការណ៍ដ៏រន្ធត់នេះបានកើតឡើងនៅម៉ោង ៦:២០នាទីព្រឹក តាមបណ្តោយផ្លូវជាតិលេខ១ ក្នុងភូមិក្បាលថ្នល់ ឃុំកណ្តៀងរាយ។ យោងតាមសេចក្តីរាយការណ៍ ម៉ូតូរឺម៉កដឹកត្រីបានបុកជាមួយរថយន្តសាំយ៉ុង បណ្តាលឲ្យអ្នកបើកម៉ូតូដឹកត្រីស្លាប់ភ្លាមៗនៅកន្លែងកើតហេតុ។
គ្រោះថ្នាក់នេះបានបង្កឲ្យមានកកស្ទះចរាចរណ៍យ៉ាងធ្ងន់ធ្ងរក្នុងពេលព្រឹក។ សមត្ថកិច្ចនិងពលរដ្ឋបានរុញរថយន្តសាំយ៉ុងចេញពីផ្លូវ ដើម្បីសម្រួលចរាចរណ៍ឲ្យរថយន្តដឹកកម្មករនិងអ្នកធ្វើដំណើរ។
សមត្ថកិច្ចនគរបាលស្រុកបានធ្វើកំណត់ហេតុ និងបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ដោយមានការក្ដុកក្ដួលនិងសោកសង្រេងយ៉ាងខ្លាំង។
