By ខេត្តស្ទឹងត្រែង៖ នៅយប់រំលងអាធ្រាត្រថ្ងៃទី៣០ ខែវិច្ឆិកា ឆ្នាំ២០២៥ កម្លាំងនគរបាលខេត្តស្ទឹងត្រែង បានចុះល្បាតដល់ស្ថានីយប្រេងឥន្ធនៈ Peace និងប្រទះឃើញក្មេងៗចំនួន ៣ ក្រុម កំពុងជួបជុំប្រមូលផ្ដុំគ្នា។
ក្មេងទាំងនេះមួយចំនួនផឹកស្រា លេងបៀ និងអង្គុយចុចទូរស័ព្ទ ដែលបង្កការភ័យខ្លាចដល់ប្រជាពលរដ្ឋ។ កម្លាំងជំនាញបានប្រមូលក្មេងៗសរុប ២៤នាក់ ក្នុងនោះមានស្រី៤នាក់ មកស្នងការដ្ឋាននគរបាលខេត្ត។
ក្រោយពីធ្វើតេស្តសារធាតុញៀន លទ្ធផលបង្ហាញថា មានក្មេង៤នាក់ (ប្រុស) វិជ្ជមាននឹងសារធាតុញៀន និង២០នាក់អវិជ្ជមាន។ ក្មេងដែលគ្មានសារធាតុញៀនត្រូវបានធ្វើកិច្ចសន្យាអប់រំ និងប្រគល់ទៅអាណាព្យាបាល។
ចំពោះក្មេង៤នាក់ដែលមានសារធាតុញៀន កម្លាំងជំនាញកំពុងអនុវត្តនីតិវិធីបន្ត។ នគរបាលស្នើសុំឲ្យអាណាព្យាបាលធ្វើការណែនាំកូនរបស់ខ្លួនឲ្យបានល្អ និងរាយការណ៍ព័ត៌មានពាក់ព័ន្ធតាមទូរស័ព្ទ 0977780021។
