By (កំពង់ស្ពឺ)៖ កម្លាំងកងរាជអាវុធហត្ថខេត្តកំពង់ស្ពឺ និងតាកែវ បានធ្វើប្រតិបត្តិការចុះឆែកឆេដ្ឋានជនសង្ស័យម្នាក់នៅស្រុកបសេដ្ឋ កាលពីព្រឹកថ្ងៃទី២៩ វិច្ឆិកា ឆ្នាំ២០២៥។
ជនសង្ស័យឈ្មោះ សែម រក្សា ភេទស្រី អាយុ២៣ឆ្នាំ ជាកម្មកររោងចក្រ ត្រូវបានចាប់ខ្លួនក្នុងប្រតិបត្តិការនេះ។ កម្លាំងជំនាញបានរកឃើញវត្ថុតាងរួមមាន កាំភ្លើងខ្លី២ដើម ម្សៅក្រាមពណ៌សថ្លា៣កញ្ចក់ធំ សង្ស័យថាជាសារធាតុញៀន រថយន្ត២គ្រឿង ម៉ូតូ១គ្រឿង និងសម្ភារប្រើប្រាស់គ្រឿងញៀនមួយចំនួន។
ប្រតិបត្តិការនេះធ្វើឡើងក្រោមការដឹកនាំរបស់មេបញ្ជាការកងរាជអាវុធហត្ថខេត្តកំពង់ស្ពឺ និងមានការសម្របសម្រួលពីព្រះរាជអាជ្ញាអមសាលាដំបូងទាំងពីរខេត្ត។
បច្ចុប្បន្ន ជនសង្ស័យ និងវត្ថុតាងត្រូវបានប្រគល់ជូនទៅកងរាជអាវុធហត្ថខេត្តតាកែវ ដើម្បីចាត់ការតាមនីតិវិធីបន្ត៕
