អាវុធទាំង៥ដែលអាចធ្វើឲ្យនាវាផ្ទុកយន្តហោះអាមេរិកលិចបាន

យោធាអាមេរិកប្រឈមមុខនឹងការគំរាមកំហែងថ្មីៗពីប្រព័ន្ធអាវុធទំនើបដែលអាចធ្វើឲ្យនាវាផ្ទុកយន្តហោះដ៏មានឥទ្ធិពលរបស់ពួកគេលិចបាន។ តាមការវិភាគពីគេហទំព័រព័ត៌មានបច្ចេកវិទ្យា Slashgear អាវុធទាំង៥ប្រភេទនេះត្រូវបានចាត់ទុកថាជា«សត្រូវ»ចម្បងរបស់នាវាផ្ទុកយន្តហោះ។

១. មីស៊ីលល្បឿនលឿនជាងសំឡេង

មីស៊ីលទាំងនេះអាចធ្វើចលនាមិនអាចទាយទុកជាមុនបានក្នុងល្បឿន Mach 5 ឡើងទៅដល់ ៦,០០០ គីឡូម៉ែត្រក្នុងមួយម៉ោង។ រុស្ស៊ីនិងចិនជាប្រទេសដែលកំពុងដាក់ពង្រាយមីស៊ីលប្រភេទនេះ ដោយមីស៊ីល Zircon របស់រុស្ស៊ីអាចឈានដល់ល្បឿន Mach 9 និង DF-ZF របស់ចិនអាចឈានដល់ Mach 10។

២. មីស៊ីលបាលីស្ទិកប្រឆាំងនាវា

មីស៊ីល ASBM ដូចជា DF-21D របស់ចិន ត្រូវបានរចនាជាពិសេសដើម្បីកំណត់គោលដៅនាវាធំៗ។ ពួកវាអាចត្រូវបានបាញ់ចេញពីដីឬនាវា ហើយល្បឿនលឿនរបស់វាធ្វើឲ្យពិបាកទប់ទល់។

៣. មីស៊ីលផ្លោងធន់ធ្ងន់ Torpedo

យោងតាមអ្នកជំនាញយោធា មីស៊ីលផ្លោងធន់ធ្ងន់គឺជាការគំរាមកំហែងចម្បង។ មីស៊ីល Mark 48 របស់អាមេរិកអាចបំបែកនាវាពិឃាតជាពីរយ៉ាងងាយ ខណៈដែលមីស៊ីល Type 65 របស់រុស្ស៊ីនិង Yu-6 របស់ចិនក៏មានថាមពលស្មើគ្នាដែរ។

៤. ទូកអត្តឃាតដែលផ្ទុកដោយគ្រឿងផ្ទុះ

នេះជាវិធីសាស្ត្របុរាណបំផុត ដោយប្រើប្រាស់កប៉ាល់ដែលផ្ទុកដោយគ្រឿងផ្ទុះ។ នៅឆ្នាំ២០០០ ការវាយប្រហារលើនាវា USS Cole បានបណ្តាលឲ្យមានរន្ធទទឹង ១២ ម៉ែត្រ សម្លាប់មនុស្ស១៧នាក់ និងរបួស៤០នាក់។

៥. យន្តហោះគ្មានមនុស្សបើកធ្វើអត្តឃាត

ពីជម្លោះអ៊ុយក្រែន យន្តហោះគ្មានមនុស្សបើកបានក្លាយជាការគំរាមកំហែងធំបំផុត។ ការវាយប្រហារជាហ្វូងដោយ UAV ជាច្រើនអាចបំផ្លាញផ្នែកខ្លះនៃនាវាផ្ទុកយន្តហោះ ធ្វើឲ្យរចនាសម្ព័ន្ធចុះខ្សោយ។

ក្រៅពីនេះ អាវុធនុយក្លេអ៊ែរក៏អាចបំផ្លាញនាវាផ្ទុកយន្តហោះបានដែរ។ នៅឆ្នាំ១៩៤៦ កងទ័ពជើងទឹកអាមេរិកបានប្រើគ្រាប់បែកនុយក្លេអ៊ែរ Baker ទម្ងន់ ២១ គីឡូតោន ដើម្បីលិចនាវា USS Saratoga។

អត្ថបទ៖ សាង ស្រីល័ក្ខ