By សហភាពអឺរ៉ុបបានសម្រេចកិច្ចព្រមព្រៀងយ៉ាងច្បាស់លាស់ក្នុងការហាមឃាត់ការនាំចូលឧស្ម័នធម្មជាតិពីរុស្ស៊ីជារៀងរហូត ដោយកំណត់ពេលវេលាចុងក្រោយនៅឆ្នាំ២០២៧។
កិច្ចព្រមព្រៀងដ៏សំខាន់នេះត្រូវបានសម្រេចរវាងរដ្ឋាភិបាលអឺរ៉ុប និងសភាអឺរ៉ុប បន្ទាប់ពីការពន្យារពេលជាយូរមកហើយ។ កាលបរិច្ឆេទសំខាន់ៗរួមមាន៖
- កិច្ចសន្យាឧស្ម័នរយៈពេលវែងត្រូវបញ្ចប់មុនថ្ងៃទី១ ខែវិច្ឆិកា ឆ្នាំ២០២៧
- កិច្ចសន្យា LNG រយៈពេលវែងត្រូវបញ្ចប់ចាប់ពីថ្ងៃទី១ ខែមករា ឆ្នាំ២០២៧
- កិច្ចសន្យា LNG ខ្លីត្រូវបញ្ចប់នៅថ្ងៃទី២៥ ខែមេសា ឆ្នាំ២០២៦
ស្នងការថាមពលអឺរ៉ុប លោក Dan Jorgensen បានប្រកាសដោយក្តីរីករាយថា៖ “យើងបានសម្រេចហើយ! អឺរ៉ុបកំពុងបិទក្បាលរ៉ូប៊ីណេលើឧស្ម័នរុស្ស៊ីជារៀងរហូត។ គ្មានការគំរាមកំហែងទៀតទេ គ្មានការបំភាន់ទីផ្សារដោយពូទីនទៀតទេ។”
ការសម្រេចចិត្តនេះជាផ្នែកមួយនៃយុទ្ធសាស្ត្រ REPowerEU ដើម្បីបញ្ចប់ការពឹងផ្អែកលើថាមពលរុស្ស៊ី បន្ទាប់ពីមូស្គូបានប្រើប្រាស់ការផ្គត់ផ្គង់ឧស្ម័នជាអាវុធនយោបាយ។
សហភាពអឺរ៉ុបបានកាត់បន្ថយការពឹងផ្អែកលើឧស្ម័នរុស្ស៊ីយ៉ាងខ្លាំង ពី៤៥% ក្នុងឆ្នាំ២០២១ មកត្រឹម១៩% ក្នុងឆ្នាំ២០២៤។ ទោះជាយ៉ាងណាក៏ដោយ ការនាំចូល LNG ពីរុស្ស៊ីនៅតែមានចំនួនច្រើន ដែលនៅឆ្នាំ២០២៤ មានបរិមាណប្រហែល២០ពាន់លានម៉ែត្រគូប។
កិច្ចព្រមព្រៀងថ្មីនេះនឹងអនុញ្ញាតឱ្យអ្នកទិញអឺរ៉ុបប្រើឃ្លា “force majeure” ដើម្បីលុបកិច្ចសន្យាឧស្ម័នដែលមានស្រាប់តាមផ្លូវច្បាប់។
