By ភ្នំពេញ៖ យុវជនម្នាក់បានរងរបួសធ្ងន់ធ្ងរបន្ទាប់ពីជិះម៉ូតូលឿនឆ្លងផ្លូវជ្រុលទៅបុករថយន្តកូរ៉េនៅផ្លូវបំបែកជាបួន កាលពីយប់ថ្ងៃទី៣ ខែធ្នូ ឆ្នាំ២០២៥។
ហេតុការណ៍នេះកើតឡើងនៅម៉ោង១០:៣០នាទីយប់ នៅលើផ្លូវ២២៣កែងផ្លូវ២២៦ ក្នុងសង្កាត់ផ្សារដើមគ ខណ្ឌទួលគោក។ យុវជនរងគ្រោះជិះម៉ូតូម៉ាកហុងដាឌ្រីមសង់សេ១២៥ពណ៌ក្រហម ពាក់ផ្លាកលេខ កំពង់ធំ- 1K-7763 បានជិះចេញពីផ្លូវ២២៦ទិសដៅពីកើតទៅលិចក្នុងល្បឿនលឿន។
តាមប្រភពពីកន្លែងកើតហេតុបានឲ្យដឹងថា រថយន្តកូរ៉េពណ៌ខៀវមួយគ្រឿងពាក់ផ្លាកលេខ ភ្នំពេញ 2BM-9104 កំពុងបើកឆ្លងផ្លូវបំបែកជាបួន នៅពេលដែលយុវជនជិះម៉ូតូមិនប្រយ័ត្នក៏ជ្រុលទៅបុកចំពាក់កណ្តាលចំហៀងខាងស្តាំរថយន្ត។
បណ្តាលឲ្យយុវជនដួលបោកក្បាលនៅលើផ្លូវ រងរបួសធ្ងន់ធ្ងរ។ ពលរដ្ឋក្បែខាងបានជួយទាក់ទងហៅរថយន្តសាមុយឲ្យមកដឹកជនរងគ្រោះទៅសង្រ្គោះនៅមន្ទីរពេទ្យភ្លាមៗ។
បន្ទាប់ពីកើតហេតុ សមត្ថកិច្ចមូលដ្ឋានបានសហការជាមួយមន្ត្រីជំនាញចរាចរណ៍ចុះមកធ្វើការវាស់វែង និងយករថយន្តនិងម៉ូតូទៅរក្សាទុកនៅការិយាល័យចរាចរណ៍ជំនាញផ្លូវគោកនៃស្នងការដ្ឋាននគរបាលរាជធានីភ្នំពេញ។
សមត្ថកិច្ចបានរក្សាទុកយានជំនិះទាំងពីរជាបណ្ដាលសិន រង់ចាំភាគីសងខាងធ្វើការដោះស្រាយគ្នានៅពេលក្រោយ។
ហេតុការណ៍នេះបង្ហាញពីគ្រោះថ្នាក់នៃការជិះម៉ូតូលឿនពេលឆ្លងផ្លូវបំបែក ជាពិសេសនៅពេលយប់ដែលមើលឃើញមិនច្បាស់។
សាធារណជនត្រូវប្រុងប្រយ័ត្នជានិច្ចពេលបើកបរនៅតាមផ្លូវបំបែក និងគោរពតាមច្បាប់ចរាចរណ៍ដើម្បីជៀសវាងគ្រោះថ្នាក់។
រថយន្តសាមុយបានដឹកយកយុវជនរងគ្រោះទៅសង្រ្គោះនៅមន្ទីរពេទ្យ ហើយស្ថានភាពសុខភាពរបស់គាត់នៅតែមិនទាន់ច្បាស់លាស់។
ដោយ៖ ភារ៉ា ដង្កោ
