By រាជធានីភ្នំពេញ៖ ក្រុមបាញ់ថ្នាំមូសពីមន្ទីរពេទ្យបង្អែក និងមណ្ឌលសុខភាព កំពុងបន្តសកម្មភាពចុះបាញ់ថ្នាំមូសទូទាំងរាជធានីភ្នំពេញ ដើម្បីបង្ការនិងទប់ស្កាត់ជំងឺគ្រុនឈាម។
លោក ងី មានហេង ប្រធានមន្ទីរសុខាភិបាលរាជធានីភ្នំពេញ បានបញ្ជាក់ថា សកម្មភាពនេះធ្វើឡើងតាមការណែនាំពីលោក ឃួង ស្រេង អភិបាលរាជធានីភ្នំពេញ ដោយផ្តោតលើតំបន់ភូមិ សង្កាត់ និងសាលារៀនក្នុងខណ្ឌទាំង១១។
សកម្មភាពនេះបានចាប់ផ្តើមតាំងពីដើមខែមករា ឆ្នាំ២០២៥ ហើយនឹងបញ្ចប់នៅចុងខែធ្នូ ឆ្នាំ២០២៥។ ប្រជាពលរដ្ឋ គ្រូបង្រៀន និងសិស្សានុសិស្សបានសម្តែងការរីករាយ និងថ្លែងអំណរគុណចំពោះការយកចិត្តទុកដាក់ពីអាជ្ញាធររាជធានី។
ការចុះបាញ់ថ្នាំមូសនេះគឺជាផ្នែកមួយនៃយុទ្ធសាស្ត្រការពារសុខភាពសាធារណៈ ដើម្បីកាត់បន្ថយការឆ្លងរាតត្បាតនៃជំងឺគ្រុនឈាម ដែលជាបញ្ហាសុខភាពសាធារណៈដ៏សំខាន់នៅក្នុងតំបន់។
