By ភ្នំពេញ៖ កម្ពុជាបានចុះកិច្ចសន្យានាំចេញដំឡូងមីស្រស់ចំនួនជិត៧លានតោនទៅកាន់ទីផ្សារវៀតណាម ក្នុងរយៈពេល៥ឆ្នាំខាងមុខ។
យោងតាមក្រសួងព័ត៌មាន កាលពីថ្ងៃទី៣ ខែធ្នូ ឆ្នាំ២០២៥ ឯកឧត្តម រាជ រ៉ា និងឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម បានដឹកនាំគណៈប្រតិភូចូលរួមសន្និសីទជំរុញពាណិជ្ជកម្មនាំចេញដំឡូងមីស្រស់នៅសណ្ឋាគារសាន់រ៉ាយ ខេត្តតៃនីញ ប្រទេសវៀតណាម។
ក្នុងពិធីនេះ ភាគីកម្ពុជានិងវៀតណាមបានចុះអនុស្សរណៈនៃការយោគយល់គ្នា (MOU) រវាងសហព័ន្ធដំឡូងមីកម្ពុជា និងសមាគមផលិតម្សៅមីតៃនីញ ដោយមានក្រុមហ៊ុនកម្ពុជា២រូប និងក្រុមហ៊ុនវៀតណាម១៩រូបចូលរួម។
តាមកិច្ចសន្យា ក្រុមហ៊ុនកម្ពុជានឹងផ្គត់ផ្គង់ដំឡូងមីស្រស់ចំនួន ៦,៧៩០,០០០ តោន រយៈពេល៥ឆ្នាំ ទៅក្រុមហ៊ុនវៀតណាម ដោយអនុវត្តតាមលក្ខខណ្ឌកិច្ចសន្យាទិញ-លក់។
កិច្ចសន្យានេះគឺជាការអនុវត្តលើ MOU ដែលបានចុះហត្ថលេខាកាលពីថ្ងៃទី២៣ តុលា ២០២៥ នៅក្រសួងពាណិជ្ជកម្ម ដោយមានបរិមាណសរុប៩លានតោន។
ការចុះកិច្ចសន្យានេះជាសញ្ញាល្អសម្រាប់កសិករដំឡូងមីកម្ពុជា និងបង្កើនសក្តានុពលនាំចេញផលិតផលកសិកម្មទៅកាន់ទីផ្សារអន្តរជាតិ។
ប្រភព៖ ក្រសួងព័ត៌មាន
