By វៀតណាម៖ រដ្ឋាភិបាលវៀតណាមបានចេញច្បាប់ថ្មីមួយដែលផាកពិន័យអ្នកលក់ដែលមិនចេញវិក្កយបត្រ ឬចេញវិក្កយបត្រខុសពេលវេលាក្នុងការលក់ទំនិញ។ ការផាកពិន័យនេះអាចឡើងដល់ ៨០លានដុង (ស្មើនឹងជាង ៣,០០០ដុល្លារ)។
យោងតាមបណ្តាញសារព័ត៌មាន VN Express ដែលចុះផ្សាយនៅថ្ងៃទី៥ ខែធ្នូ ច្បាប់ថ្មីនេះនឹងចាប់ផ្តើមអនុវត្តចាប់ពីថ្ងៃទី១៦ ខែមករា ឆ្នាំ២០២៦។ ការផាកពិន័យនឹងត្រូវអនុវត្តចំពោះករណីខកខានមិនចេញវិក្កយបត្រលើសពី ៥០ដង។
អាជ្ញាធរវៀតណាមបានបញ្ជាក់ថា ការអនុវត្តច្បាប់នេះមានគោលបំណងចម្បងដើម្បីទប់ស្កាត់ការក្លែងបន្លំការបង់ពន្ធជូនរដ្ឋ។ តាមច្បាប់វៀតណាម អង្គការ សហគ្រាស អាជីវករបុគ្គល និងសហករណ៍ទាំងអស់ត្រូវតែចេញវិក្កយបត្រនិងផ្តល់ជូនអតិថិជនភ្លាមៗនៅពេលបញ្ចប់ការលក់ទំនិញ។
វៀតណាមធ្លាប់មានច្បាប់ផាកពិន័យស្រដៀងគ្នានេះពីមុនមកហើយ ប៉ុន្តែការផាកពិន័យមានតិចតួចពេក ហើយគ្មានប្រសិទ្ធភាពគ្រប់គ្រាន់។ ច្បាប់ថ្មីនេះនឹងធ្វើឱ្យការអនុវត្តមានប្រសិទ្ធភាពជាងមុន និងជួយកាត់បន្ថយការបង់ពន្ធខុសច្បាប់។
ការអនុវត្តច្បាប់នេះនឹងជួយបង្កើនប្រាក់ចំណូលពន្ធរបស់រដ្ឋ និងធានានូវភាពត្រឹមត្រូវនៃការគណនាពន្ធពីសកម្មភាពពាណិជ្ជកម្មទាំងអស់។
