លោក សុខ ឥសាន លើកយកចំណុចសំខាន់ៗ ១០ ចំណុចពាក់ព័ន្ធកម្ពុជា និងបញ្ហាព្រំដែន

ភ្នំពេញ ៖ នៅថ្ងៃទី៥ ខែធ្នូ ឆ្នាំ២០២៥ លោក សុខ ឥសាន បានធ្វើការវិភាគយ៉ាងស៊ីជម្រៅពីបញ្ហាសំខាន់ៗដែលកម្ពុជាកំពុងប្រឈម ដោយលើកយកចំណុចសំខាន់ៗចំនួន ១០ ចំណុច។

១. លោកបានចាត់ទុកការចោទប្រកាន់របស់សៀមថាខ្មែរក្លែងប្រវត្តិសាស្ត្រនិងមានមហិច្ឆតាឈ្លានពានជា “ការគួរឲ្យចង់អស់សំណើច” ដោយអះអាងថានេះជាទម្លាប់របស់សៀមក្នុងការនិយាយផ្ទុយពីការពិត។

២. សំរាប់បញ្ហាកំណត់ទីតាំងព្រំដែន លោកបញ្ជាក់ថាការសម្គាល់ទីតាំងត្រូវអាស្រ័យលើផែនទីចង្អុលតាមលក្ខណៈបច្ចេកទេស មិនមែនស្ថិតនៅលើការឃើញដោយភ្នែកទេ។

៣. លោកបានដាស់តឿនពីអនុទិនដែលនៅសល់តែមួយខែទៀត ដោយព្រមានថា “កុំនៅខ្លាំងដៃពេកអាឆាំ”។

៤. លោកបានលើកឡើងពីតំណាងរបស់លោកត្រាំជាមេដឹកនាំពិភពលោក ដោយអះអាងថាការនិយាយរបស់លោកត្រាំសុទ្ធមានទាក់ទងដល់ជោគវាសនាពិភពលោក។

៥. លោកសួរសំណួរអំពីភាពគួរឱ្យជឿនូវការអះអាងរបស់អ្នកដទៃដែលថាដឹងពីផែនការរបស់យួននិងសៀមនៅក្នុងឈូងសមុទ្រសៀម។

៦. លោកបានបដិសេធការចោទប្រកាន់របស់សៀមថាកម្ពុជាដាក់មីនថ្មី ដោយចាត់ទុកថាជាការប្រឌិតដែលគ្មាននរណាជឿ។

៧. លោកចាត់ទុកក្រុមឧទ្ទាមក្រៅច្បាប់ថាគ្រាន់តែឆ្នៃប្រឌិតរឿងដើម្បីមានតួនាទីក្នុងបញ្ហាព្រំដែន ប៉ុន្តែពិតជាគ្មានតួនាទីសំខាន់អ្វីទេ។

៨. លោកពន្យល់ថាការទស្សនៈកិច្ចទៅកាន់ប្រទេសជាមិត្តគឺជាការសម្តែងពីមនោសញ្ចេតនានិងការទទួលខុសត្រូវរបស់មេដឹកនាំ។

៩. លោកបញ្ជាក់ថាការជីកព្រែកហ្វូណនតេជោគគឺដើម្បីដោះស្រាយបញ្ហាសេដ្ឋកិច្ច មិនមែនកាត់ដីឲ្យគេទេ។

១០. ចំពោះអ្នកនយោបាយដែលមានបទល្មើស លោកអះអាងថាត្រូវចាត់ទុកជាបទល្មើសដូចពលរដ្ឋទូទៅ មិនមែនជារឿងនយោបាយទេ។

ដោយ ៖ សិលា