នគរបាលមណ្ឌលគិរីចាប់ខ្លួនជនសង្ស័យ ៥នាក់ រួមមានស្រី១នាក់ ក្នុងប្រតិបត្តិការបង្ក្រាបគ្រឿងញៀន

ខេត្តមណ្ឌលគិរី – នគរបាលខេត្តមណ្ឌលគិរីបានធ្វើប្រតិបត្តិការបង្ក្រាបគ្រឿងញៀនយ៉ាងជោគជ័យ ដោយឃាត់ខ្លួនជនសង្ស័យចំនួន ៥នាក់ ក្នុងនោះមានស្រី ១នាក់ ពាក់ព័ន្ធនឹងបទល្មើសជួញដូរ រក្សាទុក និងប្រើប្រាស់គ្រឿងញៀនខុសច្បាប់។

ប្រតិបត្តិការនេះបានធ្វើឡើងកាលពីថ្ងៃទី១ ខែធ្នូ ឆ្នាំ២០២៥ នៅវេលាម៉ោង ១០:៣៩នាទី ដោយកម្លាំងការិយាល័យប្រឆាំងគ្រឿងញៀន សហការជាមួយកម្លាំងអន្តរាគមន៍ និងកម្លាំងជំនាញប្រឆាំងគ្រឿងញៀននៃអធិការដ្ឋាននគរបាលស្រុកកែវសីមា។

ជនសង្ស័យទាំង ៥នាក់មានឈ្មោះដូចខាងក្រោម៖
១. ឡេង ចាន់ហឿន (ប្រុស អាយុ៣៤ឆ្នាំ)
២. មុត នឿន (ប្រុស អាយុ៤៥ឆ្នាំ)
៣. រឹន រិន (ប្រុស អាយុ២៩ឆ្នាំ)
៤. ស្រេង ចាន់ធឿន (ស្រី អាយុ៣២ឆ្នាំ)
៥. ផាក យូ (ប្រុស អាយុ៥៦ឆ្នាំ)

កម្លាំងនគរបាលបានធ្វើតេស្តទឹកម៉ូត្ររកសារធាតុញៀនលើជនសង្ស័យទាំង៥នាក់ ដែលទទួលបានលទ្ធផលវិជ្ជមាន(+) ទាំងអស់ ប្រើប្រាស់គ្រឿងញៀនប្រភេទមេតំហ្វេតាមីន។

ក្នុងប្រតិបត្តិការនេះ កម្លាំងជំនាញបានចាប់យកមធ្យោបាយសម្ភារៈវត្ថុតាងរួមមាន៖
• គ្រឿងញៀនមេតំហ្វេតាមីនទម្ងន់ ០.៣២ក្រាម
• ទូរស័ព្ទ ៣គ្រឿង (OPPO ២, iPhone ១)
• ម៉ូតូ ៣គ្រឿង
• កន្ត្រៃ ១ដើម
• ឧបករណ៍កែច្នៃសម្រាប់ជក់គ្រឿងញៀន

បច្ចុប្បន្ន ជនសង្ស័យទាំង៥នាក់និងសម្ភារៈវត្ថុតាងទាំងអស់ កំពុងត្រូវបានកម្លាំងជំនាញកសាងសំណុំរឿងចាត់ការតាមនីតិវិធីច្បាប់។ ប្រតិបត្តិការនេះធ្វើឡើងក្រោមការដឹកនាំផ្ទាល់ពីលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី។