By ភ្នំពេញ៖ ក្រសួងប្រៃសណីយ៍និងទូរគមនាគមន៍បានប្រកាសជាផ្លូវការនូវការបើកដំណើរការសេវាទូរសព្ទចល័តជំនាន់ទី៥ (5G) នៅកម្ពុជា ចាប់ពីឆ្នាំ២០២៦ តទៅ។ ព្រឹត្តិការណ៍ប្រវត្តិសាស្ត្រនេះបានធ្វើឡើងក្រោមអធិបតីភាពរបស់ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ។
សេវា 5G នឹងនាំមកនូវអត្ថប្រយោជន៍សំខាន់ៗដូចជា៖
• ល្បឿនទិន្នន័យលឿនជាង 4G ដល់ទៅ ១០ ដង
• រយៈពេលឆ្លើយតបទាបខ្លាំង សមស្របសម្រាប់សេវាសង្គ្រោះបន្ទាន់ និងការគ្រប់គ្រងចរាចរណ៍ឆ្លាតវៃ
• អាចតភ្ជាប់ឧបករណ៍រាប់លានក្នុងមួយគីឡូម៉ែត្រការ៉េ
• ជំរុញឧស្សាហកម្ម និងសេដ្ឋកិច្ចឌីជីថល
• លើកកម្ពស់សេវាសាធារណៈដូចជា e-Health, e-Education និង e-Government
សេវា 5G មិនមែនគ្រាន់តែជាអ៊ីនធឺណិតល្បឿនលឿនប៉ុណ្ណោះទេ ប៉ុន្តែនឹងក្លាយជាហេដ្ឋារចនាសម្ព័ន្ធគ្រឹះសម្រាប់អនាគតឌីជីថលរបស់កម្ពុជា។ ក្រសួងប្រៃសណីយ៍បានសិក្សាយ៉ាងស៊ីជម្រៅ និងធ្វើការជាមួយប្រតិបត្តិករទូរគមនាគមន៍ទាំងអស់ ដើម្បីធានាការដាក់ឱ្យដំណើរការជោគជ័យនៃសេវានេះ។
ប្រភព៖ ក្រសួងព័ត៌មាន
