លោក សុខ ឥសាន លើកយកចំណុចសំខាន់ៗ ១០ ទាក់ទងព្រំដែនកម្ពុជា-សៀម និងការការពារប្រាសាទតាក្របី

ភ្នំពេញ៖ នៅរសៀលថ្ងៃទី៩ ខែធ្នូ ឆ្នាំ២០២៥ លោក សុខ ឥសាន បានធ្វើការវិភាគលម្អិតអំពីស្ថានភាពព្រំដែនកម្ពុជា-សៀម និងបញ្ហាសំខាន់ៗដែលកំពុងប្រឈមមុខប្រទេសជាតិ។

លោកបានលើកយកចំណុចសំខាន់ៗចំនួន ១០ ដូចខាងក្រោម៖

១. សំដីរបស់មេដឹកនាំនិងមេទាហ៊ានសៀមដែលថានឹងវ៉ៃយកទឹកដីខ្មែរ និងធ្វើឲ្យកងទ័ពខ្មែរបាត់បង់សមត្ថភាពយូរ។ នេះជាកត្តាជម្រុញឲ្យកម្ពុជាប្រើសិទ្ធិការពារខ្លួន។

២. ឥរិយាបថមើលងាយរបស់មេដឹកនាំសៀមនិងមេទ័ពសៀមចំពោះខ្មែរ កំពុងទទួលរងផលវិបាកឆ្លើយតបយ៉ាងធ្ងន់ធ្ងរពីកម្លាំងកងទ័ពកម្ពុជា។

៣. ការប្រើប្រាស់គ្រាប់បែកចង្កោមនិងផ្សែងពុលរបស់សៀមមកលើប្រជាជនកម្ពុជា ដែលជាការរំលោភច្បាប់អន្តរជាតិដែលហាមមិនឲ្យប្រើប្រាស់ជាដាច់ខាត។

៤. កម្ពុជាស្វាគមន៍បំណងប្រាថ្នារបស់អន្តរជាតិឲ្យបន្តអនុវត្តបទឈប់បាញ់ តែដោយសារភាគីសៀមនៅបន្តប្រើហឹង្សា ទើបការផ្ទុះអាវុធនៅតែមានបន្តនៅតាមព្រំដែន។

៥. ការអួតអាងរបស់អនុទិនបានតែធ្វើឲ្យប៉ះពាល់ដល់ទំនាក់ទំនងអន្តរជាតិ និងធ្វើឲ្យមានការឆ្លើយតបយ៉ាងធ្ងន់ធ្ងរ។

៦. តំណាងពាណិជ្ជកម្មសហរដ្ឋអាមេរិកបានចេញលិខិតផ្អាកការចរចាលើពន្ធគយ ដោយសារសំដីអនុទិនព្រហើនជាមួយលោកត្រាំ។

៧. សន្តិភាពកម្ពុជា-សៀមមានទំនាក់ទំនងយ៉ាងជិតស្និទ្ធជាមួយការដោះស្រាយបញ្ហាពន្ធគយលើទំនិញសៀម។

៨. សៀមគ្មានសិទ្ធិទាមទារមិនឲ្យកម្ពុជាប្រើ BM21 និង PHL03 ខណៈដែលខ្លួនឯងប្រើយន្តហោះ F16 ទម្លាក់គ្រាប់បែកចង្កោមនិងបាញ់ផ្សែងពុល។

៩. ក្នុងពេលសៀមវាយកម្ពុជាយ៉ាងកម្រោល សំណួរត្រូវបានលើកឡើងអំពីការគាំទ្រពីប្រទេសមិត្តភាពចំពោះកម្ពុជា។

១០. កងទ័ពកម្ពុជាកំពុងអង្គុយការពារប្រាសាទតាក្របី ដោយមានការចោទសួរអំពីហេតុផលក្នុងការរក្សាការពារប្រាសាទបេតិកភណ្ឌជាតិនេះ។

ការវិភាគនេះបានលើកឡើងពីបញ្ហាស្មុគស្មាញទាំងអស់ដែលកំពុងប្រឈមមុខប្រទេសកម្ពុជា និងផ្តល់នូវការយល់ឃើញយ៉ាងជ្រៅជ្រះអំពីស្ថានភាពពិតប្រាកដនៅតាមព្រំដែន។

ដោយ៖ សិលា