អានុទីនរឹងរូសលើកម្ពុជា អាចបង្កគ្រោះថ្នាក់ដល់ការចរចាពន្ធថៃ-អាមេរិក

សារព័ត៌មាន Bloomberg បានរាយការណ៍ថា ជំហររឹងរូសរបស់មេដឹកនាំថៃ អានុទីន ឆានវីរៈគុណ លើបញ្ហាព្រំដែនកម្ពុជា អាចបង្កគ្រោះថ្នាក់ដល់ការចរចាពន្ធជាមួយសហរដ្ឋអាមេរិក។

អ្នកកាសែត Randy Thanthong-Knight សរសេរថា៖ «លោកអានុទីនកំពុងប្រើប្រាស់ជម្លោះព្រំដែនជាមួយកម្ពុជា ដើម្បីទាញយកប្រយោជន៍ពីអារម្មណ៍ជាតិនិយមមុនការបោះឆ្នោត»។

កាលពីខែកក្កដា ប្រធានាធិបតីអាមេរិក ដូណាល់ ត្រាំ បានប្រើសម្ពាធពាណិជ្ជកម្មដើម្បីជំរុញឱ្យថៃនិងកម្ពុជាឈប់បាញ់។ កិច្ចព្រមព្រៀងសន្តិភាពត្រូវបានចុះថ្ងៃទី២៦ តុលា នៅម៉ាឡេស៊ី ដោយមានលោកត្រាំជាអ្នកសម្របសម្រួល។

អ្នកវិភាគ Laura Schwartz ពី Verisk Maplecroft បានព្រមានថា៖ «ភាពតានតឹងនេះអាចបង្កការព្រួយបារម្ភនៅវ៉ាស៊ីនតោន ដែលអាចធ្វើឱ្យការចរចាផ្សេងៗយឺតយ៉ាវ»។

លោកអានុទីនទើបតែឡើងកាន់អំណាចបានប៉ុន្មានខែ ហើយកំពុងដឹកនាំរដ្ឋាភិបាលចម្រុះដ៏ឆ្គងមួយ។ អ្នកវិភាគថៃព្រមានថា ជម្លោះព្រំដែនអាចធ្វើឱ្យបាត់បង់ទីផ្សារកម្ពុជា ហើយសម្ពាធពន្ធរបស់លោកត្រាំអាចប៉ះពាល់ដល់សេដ្ឋកិច្ចថៃដែលកំពុងធ្លាក់ចុះ។