By ខេត្តកំពង់ស្ពឺ៖ រដ្ឋបាលខេត្តកំពង់ស្ពឺបានចេញលិខិតអំពាវនាវជូនដំណឹងដល់សប្បុរសជនទាំងអស់ ដែលមានបំណងចង់បរិច្ចាគនូវសម្ភារៈ និងថវិកា ដើម្បីគាំទ្រដល់កងទ័ពជួរមុខ និងជនភៀសសឹកនៅតាមព្រំដែនកម្ពុជា-ថៃ។
បើយោងតាមលិខិតអំពាវនាវរបស់រដ្ឋបាលខេត្តកំពង់ស្ពឺ នៅថ្ងៃទី៩ ខែធ្នូ ឆ្នាំ២០២៥នេះ ការបរិច្ចាគនេះមានសារៈសំខាន់ខ្លាំងណាស់ ដោយសារតែស្ថានភាពតានតឹងនៅតំបន់ព្រំដែនកម្ពុជា-ថៃ។
ក្នុងសង្គ្រាមឈ្លានពានរបស់ថៃ មកលើអធិបតេយ្យ និងបូរណភាពទឹកដីរបស់កម្ពុជា កាលពីថ្ងៃទី៧ ខែធ្នូ ឆ្នាំ២០២៥ វេលាម៉ោងប្រមាណ ១៤និង១៥នាទី យោធាថៃបានចាប់ផ្តើមធ្វើការបាញ់ប្រហារ ដែលបណ្តាលឱ្យជនស៊ីវិលស្លាប់ រងរបួស និងខូចខាតទ្រព្យសម្បត្តិផ្ទះសម្បែងរបស់ប្រជាពលរដ្ឋជាច្រើន។
រដ្ឋបាលខេត្តកំពង់ស្ពឺនឹងរៀបចំទទួលការបរិច្ចាគចាប់ពីថ្ងៃជូនដំណឹងនេះតទៅ ដោយសូមសប្បុរសជនទាំងអស់មេត្តាជ្រាបជាព័ត៌មាន។
ការបរិច្ចាគនេះនឹងជួយផ្តល់សម្ភារៈចាំបាច់ និងថវិកាសម្រាប់គាំទ្រដល់កងទ័ពជួរមុខដែលកំពុងការពារព្រំដែន និងជនភៀសសឹកដែលត្រូវភៀសខ្លួនពីតំបន់ជម្លោះ។
អត្ថបទសរសេរដោយ អ៊ំ ណូន
កែសម្រួលដោយ ធីតា
