ដំណើរកម្សាន្ត Ford Adventure លើកទី១៩ ឆ្ពោះទៅមណ្ឌលគិរី ជាមួយរថយន្ត ១២០ គ្រឿង និងអ្នកចូលរួម ៦០០ នាក់

ភ្នំពេញ, ថ្ងៃទី៥ ខែធ្នូ ឆ្នាំ២០២៥ – ក្រុមហ៊ុន RMA Cambodia ដែលជាអ្នកនាំចូលរថយន្ត Ford តែមួយគត់នៅកម្ពុជា បានប្រកាសពីកម្មវិធីដំណើរកម្សាន្ត Ford Adventure ឆ្នាំ២០២៥ លើកទី១៩ ដែលនឹងធ្វើដំណើរឆ្ពោះទៅកាន់ខេត្តមណ្ឌលគិរី។

កម្មវិធីនេះនឹងប្រព្រឹត្តិទៅចំនួន ២ លើក គឺលើកទី១ ចាប់ពីថ្ងៃទី១២-១៤ ខែធ្នូ និងលើកទី២ ចាប់ពីថ្ងៃទី១៩-២១ ខែធ្នូ ឆ្នាំ២០២៥។ ក្បួនរថយន្តប្រមាណជាង ១២០ គ្រឿងនឹងធ្វើដំណើរចេញពីភ្នំពេញឆ្ពោះទៅមណ្ឌលគិរី ជាមួយអ្នកចូលរួមសរុបប្រមាណជាង ៦០០ នាក់។

លោក មីលី ហ្គុដមែន ប្រធានគ្រប់គ្រងជាន់ខ្ពស់ផ្នែកទីផ្សាររថយន្ត Ford នៃក្រុមហ៊ុន RMA Cambodia បានអះអាងថា៖ “កម្មវិធីនេះមានគោលដៅសំខាន់ ៣ យ៉ាង គឺដើម្បីអោយអតិថិជនរីករាយជាមួយគ្រួសារ ចូលរួមគាំទ្រវិស័យទេសចរណ៍ និងទទួលបានបទពិសោធន៍ថ្មីនៃការបោះជំរំនៅរមណីយដ្ឋានធម្មជាតិ។”

កម្មវិធីនេះមានរយៈពេល ៣ ថ្ងៃ ២ យប់ ដោយនឹងមានកម្មវិធីចែកអំណោយសប្បុរសធម៌ទៅកាន់គ្រួសារក្រីក្រប្រមាណជាង ៤០០ គ្រួសារ រួចទស្សនារមណីយដ្ឋានធម្មជាតិ និងធ្វើការសម្រាកបោះជំរុំ។

កម្មវិធី Ford Adventure ឆ្នាំ២០២៥ នេះ ត្រូវបានឧបត្ថម្ភដោយក្រុមហ៊ុន TotalEnergies, BSP Finance, ធនាគារ KB Daehan Specialized Bank Plc., និងក្រុមហ៊ុនម៉ាស៊ីនត្រជាក់ Fuji Aire។

លោក Jeon Yongsun នាយកផ្នែកទីផ្សារនៃធនាគារ KB Daehan បានមានប្រសាសន៍ថា៖ “ព្រឹត្តិការណ៍នេះមិនត្រឹមតែបង្ហាញពីបច្ចេកវិទ្យាឈានមុខនិងភាពធន់របស់រថយន្ត Ford ប៉ុណ្ណោះទេ ថែមទាំងបង្កើតឱកាសឲ្យយើងបានទទួលបទពិសោធន៍ពីភាពអស្ចារ្យនៃដំណើរកម្សាន្ត។”

ដំណើរកម្សាន្ត Ford Adventure ត្រូវបានរៀបចំឡើងជារៀងរាល់ឆ្នាំ ដោយឆ្នាំនេះជាលើកទី១៩ ដែលបង្ហាញពីការប្តេជ្ញាចិត្តរបស់ក្រុមហ៊ុន RMA Cambodia ក្នុងការផ្តល់បទពិសោធន៍ពិសេសដល់អតិថិជន Ford នៅកម្ពុជា។