ក្រុមជម្រើសជាតិកម្ពុជា វិលត្រឡប់មកដល់ដោយសុខសុវត្ថិភាព ក្រោយដកខ្លួនពីការប្រកួតស៊ីហ្គេម

រាជធានីភ្នំពេញ – ក្រុមជម្រើសជាតិកម្ពុជាបានវិលត្រឡប់មកដល់មាតុភូមិវិញដោយសុខសុវត្ថិភាព ក្រោយពីសម្រេចចិត្តដកខ្លួនចេញពីការប្រកួតកីឡាស៊ីហ្គេមលើកទី៣៣ ដោយសារការព្រួយបារម្ភពីសុខសុវត្ថិភាព។

យោងតាមក្រសួងអប់រំ យុវជន និងកីឡា នៅម៉ោង ៩:៤៥នាទីយប់ថ្ងៃទី១០ ខែធ្នូ ឆ្នាំ២០២៥ ឯកឧត្តម ប៉ុន សុខ អគ្គនាយកនៃអគ្គនាយកដ្ឋានកីឡា និងជាអនុប្រធានប្រតិភូកម្ពុជា បានដឹកនាំប្រតិភូ គ្រូបង្វឹក កីឡាករ និងកីឡាការិនីទាំងអស់វិលត្រឡប់មកប្រទេសកម្ពុជាវិញដោយសុខសុវត្ថិភាព។

ការសម្រេចចិត្តដកខ្លួនចេញពីការប្រកួតកីឡាស៊ីហ្គេមលើកទី៣៣ ឆ្នាំ២០២៥ (33rd SEA Games 2025) នេះ គឺដោយសារការព្រួយបារម្ភពីសុខសុវត្ថិភាពដល់អត្តពលិក។ ការប្រកួតនេះត្រូវប្រព្រឹត្តទៅចាប់ពីថ្ងៃទី០៩ ដល់ថ្ងៃទី២០ ខែធ្នូ ឆ្នាំ២០២៥ នៅខេត្តឈុន បុរី និងទីក្រុងបាងកក ព្រះរាជាណាចក្រថៃ។

ការវិលត្រឡប់មកដល់របស់ក្រុមជម្រើសជាតិកម្ពុជានេះ បានបង្ហាញពីការយកចិត្តទុកដាក់ខ្ពស់របស់រដ្ឋាភិបាលកម្ពុជាចំពោះសុខសុវត្ថិភាពអត្តពលិកជាតិ ដោយផ្តល់អាទិភាពដល់សុខភាព និងសុវត្ថិភាពជាងការប្រកួតប្រជែង។

អត្ថបទសរសេរដោយ សហការី
កែសម្រួលដោយ សារ៉ា ចន្ទ