By យោងតាមការបញ្ជាក់ពីប្រភពដែលមិនបញ្ចេញឈ្មោះ រដ្ឋាភិបាលឥណ្ឌូណេស៊ីកំពុងប្រឈមមុខនឹងការទាមទារថ្មីពីសហរដ្ឋអាមេរិក ដែលអាចធ្វើឱ្យទំនាក់ទំនងជាមួយចិន និងរុស្ស៊ីរអាក់រអួល។
ការទាស់ទែងនេះកើតឡើងបន្ទាប់ពីភាគីទាំងពីរឈានដល់កិច្ចព្រមព្រៀងពាណិជ្ជកម្មបឋមកាលពីខែកក្កដា ដែលកំណត់អត្រាពន្ធគយត្រឹម ១៩%។ ទីក្រុងវ៉ាស៊ីនតោនបានជំរុញឱ្យហ្សាការតាយល់ព្រមលើលក្ខខណ្ឌថ្មី ដែលអាចរឹតត្បិតទំនាក់ទំនងជាមួយចិន ដែលជាវិនិយោគិនបរទេសធំជាងគេរបស់ឥណ្ឌូណេស៊ី។
ប្រភពព័ត៌មានបានបង្ហាញថា ការទាមទារពាណិជ្ជកម្មថ្មីរបស់អាមេរិកត្រូវបានចាត់ទុកថាជាបញ្ហាធំ ដោយរួមមានប្រការដែលអនុញ្ញាតឱ្យទីក្រុងវ៉ាស៊ីនតោនលុបចោលកិច្ចព្រមព្រៀង ប្រសិនបើឥណ្ឌូណេស៊ីចុះហត្ថលេខាលើកិច្ចព្រមព្រៀងផ្សេងទៀតដែលគំរាមកំហែងដល់ផលប្រយោជន៍អាមេរិក។
រដ្ឋមន្ត្រីសេដ្ឋកិច្ចឥណ្ឌូណេស៊ី លោក Airlangga Hartarto និងតំណាងពាណិជ្ជកម្មអាមេរិក លោក Jamieson Greer នឹងជួបគ្នាតាមអនឡាញនៅថ្ងៃព្រហស្បតិ៍នេះ ដើម្បីពិភាក្សាអំពីបញ្ហានេះ។
ការទាស់ទែងធំបំផុតគឺពាក់ព័ន្ធនឹងកិច្ចសហប្រតិបត្តិការលើរ៉ែសំខាន់ៗ ដែលអាមេរិកចង់បានកិច្ចសហប្រតិបត្តិការដោយមិនរាប់បញ្ចូលភាគីទី៣ ដែលអាចប៉ះពាល់ដល់ទំនាក់ទំនងរបស់ឥណ្ឌូណេស៊ីជាមួយអ្នកវិនិយោគសំខាន់ៗរួមមានចិន និងរុស្ស៊ី។
ក្រោមកិច្ចព្រមព្រៀងដែលសម្រេចឡើងក្នុងខែកក្កដា ឥណ្ឌូណេស៊ីបានយល់ព្រមទិញផលិតផលអាមេរិកប្រមាណ ១៩ ប៊ីលានដុល្លារ រួមទាំងយន្តហោះ Boeing ចំនួន ៥០ គ្រឿង និងលុបចោលពន្ធលើការនាំចូលពីសហរដ្ឋអាមេរិក។
