អាវុធហត្ថស្រុកស្ទឹងហាវឃាត់ខ្លួនជនសង្ស័យ២នាក់ រកឃើញម្សៅសថ្លា កាំភ្លើង និងគ្រឿងប្រើប្រាស់ញៀនជាច្រើន

ព្រះសីហនុ៖ កម្លាំងសមត្ថកិច្ចបានចុះប្រតិបត្តិការបង្គ្រាបបទល្មើសគ្រឿងញៀននៅស្រុកស្ទឹងហាវ ដោយឃាត់ខ្លួនជនសង្ស័យចំនួន២នាក់ និងដកហូតគ្រឿងញៀន និងឧបករណ៍ប្រើប្រាស់ជាច្រើន។

សូមជម្រាបជូនថា នៅវេលាម៉ោង៥:៤០ល្ងាច ថ្ងៃទី៩ ខែធ្នូ ឆ្នាំ២០២៥ កម្លាំងមូលដ្ឋានកងរាជអាវុធហត្ថស្រុកស្ទឹងហាវចំនួន៨នាក់ និងកម្លាំងការិយាល័យប្រឆាំងគ្រឿងញៀនចំនួន៦នាក់ បានចុះប្រតិបត្តិការនៅក្នុងភូមិ២ ឃុំកំពេញ ស្រុកស្ទឹងហាវ។

ជនសង្ស័យទាំងពីរនាក់ដែលត្រូវបានឃាត់ខ្លួនមាន៖
១. លោក វេង កុកហេង អាយុ៣២ឆ្នាំ មុខរបរចិញ្ចឹមត្រី
២. លោក វណ្ណ ឆៃ អាយុ៣១ឆ្នាំ មុខរបរកម្មករចិញ្ចឹមត្រី

វត្ថុតាងដែលត្រូវបានដកហូតរួមមាន៖
• ម្សៅសថ្លា ៦កញ្ចប់
• ដបជក់ ២គ្រឿង
• ជញ្ជីង ២គ្រឿង
• ម៉ាស៊ីនអ៊ុតថង់ច្រកគ្រឿងញៀន ១គ្រឿង
• កាំភ្លើងខ្លីជ័រ ១គ្រឿង
• ទូរស័ព្ទ ២គ្រឿង
• បារីអេឡិចត្រូនិច ២ដើម
• ក្បាលផ្លុំហ្គាស ១គ្រឿង
• ម៉ូតូហុងដាឌ្រីមពណ៌ខ្មៅ លេខផ្លាក១I៥២៧៨
• ថង់ប្លាស្ទិចសម្រាប់វេចខ្ចប់គ្រឿងញៀន

ប្រតិបត្តិការនេះដឹកនាំដោយលោក វរសេនីយ៍ត្រី ថៃ គឹមសាន មេបញ្ជាការអាវុធហត្ថស្រុកស្ទឹងហាវ និងលោក វរសេនីយ៍ត្រី ឡុង គឹមហួរ នាយការិយាល័យប្រឆាំងគ្រឿងញៀន។

បច្ចុប្បន្ន ជនសង្ស័យទាំងពីរនាក់ និងវត្ថុតាងទាំងអស់ត្រូវបានបញ្ជូនទៅការិយាល័យសវនកម្មខេត្តព្រះសីហនុ ដើម្បីបន្តដំណើរការតាមផ្លូវច្បាប់។

សមត្ថកិច្ចបានអះអាងថា ប្រតិបត្តិការនេះជាផ្នែកមួយនៃយុទ្ធនាការប្រឆាំងគ្រឿងញៀនដែលកំពុងត្រូវបានអនុវត្តយ៉ាងតឹងរ៉ឹងនៅទូទាំងខេត្តព្រះសីហនុ។

ដោយ៖ សិលា