By អ្នកគាំទ្របាល់ទាត់អឺរ៉ុប (FSE) បានចេញសេចក្តីថ្លែងការណ៍យ៉ាងខ្លាំងក្លាកាលពីថ្ងៃព្រហស្បតិ៍ ដោយអំពាវនាវឱ្យ FIFA បញ្ឈប់ជាបន្ទាន់ការលក់សំបុត្រថ្លៃកប់ពពកសម្រាប់ការប្រកួតបាល់ទាត់ពិភពលោក 2026។ ក្រុមអ្នកគាំទ្របានចោទប្រកាន់ថា តម្លៃសំបុត្រដែលត្រូវបានកំណត់គឺដូចជំរិតទារប្រាក់ ដែលធ្វើឱ្យអ្នកគាំទ្រធម្មតាមិនអាចទទួលបានសិទ្ធិទស្សនាការប្រកួតបាន។
តាមការបញ្ជាក់របស់ FSE តម្លៃសំបុត្រដែលបានបែងចែកទៅសមាគមសមាជិកចូលរួម (PMAs) បានឈានដល់កម្រិតខ្ពស់បំផុតមិនធ្លាប់មានពីមុនមក។ អ្នកគាំទ្រដែលចង់ដើរតាមក្រុមរបស់ពួកគេតាំងពីពូលដំបូងរហូតដល់វគ្គផ្តាច់ព្រ័ត្រ ត្រូវតែបង់ប្រាក់យ៉ាងហោចណាស់ 6,900 ដុល្លារ ដែលស្ទើរតែប្រាំដងនៃការចំណាយនៅការប្រកួតពិភពលោក 2022 នៅកាតា។
លោក Ronan Evain នាយកប្រតិបត្តិ FSE បានបញ្ជាក់យ៉ាងច្បាស់ថា៖ “សម្រាប់តម្លៃដែលត្រូវបានដំឡើងដោយ FIFA យើងមានការភ្ញាក់ផ្អើលបន្តិចខ្លាំង។ សម្រាប់វគ្គផ្តាច់ព្រ័ត្រ សំបុត្រនឹងឡើងដល់ប្រហែល 4,000 ដុល្លារ។ អ្នកត្រូវការអ្នកគាំទ្រ អ្នកត្រូវការពណ៌ អ្នកត្រូវការបរិយាកាស។ ជាមួយនឹងតម្លៃទាំងនេះ វានឹងមិនមានអ្វីកើតឡើងនោះទេ”។
ការប្រកួតទាំងមូលរហូតដល់វគ្គផ្តាច់ព្រ័ត្រ នឹងត្រូវចំណាយប្រហែល 6,991 ដុល្លារសម្រាប់កម្រិតធម្មតា រហូតដល់ 11,480 ដុល្លារក្នុងកម្រិតតម្លៃមធ្យម ឬ 16,533 ដុល្លារសម្រាប់កម្រិតកំពូល។ អ្នកគាំទ្រក្រុមជម្រើសជាតិកំពុងត្រូវបានស្នើសុំឱ្យបង់ប្រាក់ពេញនៅដើមឆ្នាំ 2026 ដើម្បីធានាសិទ្ធិក្នុងការទិញសំបុត្រ។
FIFA មិនទាន់ឆ្លើយតបភ្លាមៗចំពោះការរិះគន់នេះទេ ដែលធ្វើឱ្យមានការព្រួយបារម្ភកាន់តែខ្លាំងពីសំណាក់អ្នកគាំទ្រដែលចង់ទស្សនាការប្រកួតពិភពលោកដ៏សំខាន់នេះ។
