By ភ្នំពេញ៖ លោក ឃួង ស្រេង អភិបាលរាជធានីភ្នំពេញ បានដឹកនាំគណៈប្រតិភូរដ្ឋបាលរាជធានីភ្នំពេញ នាំយកថវិកាដ៏ថ្លៃថ្លារបស់សម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចំនួន ៤០លានរៀល ទៅប្រគល់ដល់ក្រុមគ្រួសារសពលោកសុីម វឌ្ឍន៖ អាយុ ៤៤ឆ្នាំ។
លោកសុីម វឌ្ឍន៖ ជាប្រជាពលរដ្ឋនៅភូមិសន្សំកុសល៤ សង្កាត់បឹងទំពន់ទី២ ខណ្ឌមានជ័យ ដែលបានបាត់បង់ជីវិតដោយពួកទាហានសៀមឈ្លានពានបាញ់ផ្លោងដាក់រថយន្ត កាលយប់ថ្ងៃទី៨ ឈានចូលថ្ងៃទី៩ ខែធ្នូ ឆ្នាំ២០២៥។
លោក ឃួង ស្រេង បានបញ្ជាក់ថា៖ “ថវិកាចំនួន ៤០លានរៀលនេះ ជាថវិកាដ៏ថ្លៃថ្លារបស់សម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រី និងលោកស្រី បណ្ឌិត ពេជ ចន្ទមុន្នី ហ៊ុន ម៉ាណែត ដើម្បីរួមរំលែកទុក្ខដ៏ក្រៀមកក្រំ ក្រុមគ្រួសារសពលោកសុីម វឌ្ឍន៖”។
ឧប្បត្តិហេតុដ៏សោកសៅនេះបានកើតឡើងកាលពីរាត្រីថ្ងៃទី០៨ធ្នូ វេលាម៉ោងប្រមាណ ១២រំលងអាធ្រាត ឆ្លងចូលថ្ងៃទី០៩ ខែធ្នូ ឆ្នាំ២០២៥ នៅចំណុចស្ពានលេខ៨ផ្លូវ៥៦A ស្រុកថ្មពួក ខេត្តបន្ទាយមានជ័យ។ អ្នកបើកបររថយន្តក្រុងដឹកជនភៀសសឹកចំនួន២នាក់ ត្រូវបានពួកទាហានសៀមឈ្លានពានបាញ់ផ្លោងដាក់រថយន្តរបស់ពួកគាត់។
ក្នុងឱកាសនោះ លោក ឃួង ស្រេង បានចូលរួមរំលែកទុក្ខដ៏ក្រៀមកក្រំសោកស្ដាយជាមួយនិងក្តីសង្វេគជាទីបំផុត និងសូមឧទ្ទិសបួងសួង ដល់ដួងវិញ្ញាណក្ខន្ធរបស់លោកសុីម វឌ្ឍន៖។ ជាមួយគ្នានោះ លោកក៏បានប្រគេនបច្ច័យដល់ព្រះចៅអធិការត្តសន្សំកុសលចំនួន៥លានរៀលផងដែរ។
សពលោកសុីម វឌ្ឍន៖ ត្រូវបានបញ្ជូនមកតំកល់ធ្វើបុណ្យនៅក្នុងត្តសន្សំកុសល និងបានបូជានៅល្ងាចថ្ងៃទី១០ ខែធ្នូ ឆ្នាំ២០២៥។
ឧប្បត្តិហេតុនេះបានបណ្តាលឱ្យស្លាប់ភ្លាមៗនៅកន្លែងកើតហេតុ ដែលជាការបាត់បង់ជីវិតដ៏គួរឱ្យអនោចអធម្មបំផុតសម្រាប់ក្រុមគ្រួសារ និងសហគមន៍ទាំងមូល។
ការជួយឧបត្ថម្ភពីសម្ដេចនាយករដ្ឋមន្ត្រី និងលោកជំទាវ បានបង្ហាញពីក្តីអាណិតស្រឡាញ់ និងការយកចិត្តទុកដាក់ចំពោះប្រជាពលរដ្ឋដែលរងគ្រោះពីឧប្បត្តិហេតុដ៏សោកសៅនេះ។
ដោយ៖ សំរិត
