យោធាថៃបាញ់ផ្លោងចូលតំបន់ថ្មដា កម្ពុជាបាញ់តបតយ៉ាងខ្លាំងក្លា

(ព្រំដែន)៖ មកទល់ម៉ោង៣រសៀលថ្ងៃទី១៥ ខែធ្នូ ឆ្នាំ២០២៥នេះ យោធាថៃបាននិងកំពុងបន្ដបាញ់ផ្លោងយ៉ាងខ្លាំងចូលតំបន់ថ្មដា ស្រុកវាលវែង ខេត្តពោធិ៍សាត់។

ជាការឆ្លើយតប កងកម្លាំងរបស់កម្ពុជាបានធ្វើការបាញ់ផ្លោងស្រោចទៅទីតាំងមូលដ្ឋានទ័ពរបស់ថៃវិញផងដែរ ដើម្បីការពារបូរណភាពទឹកដី និងអធិបតេយ្យរបស់កម្ពុជា ដោយមិនខ្មាំងបំពានបានឡើយ។

ប្រភពព័ត៌មានបានរាយការណ៍ថា ការបាញ់ផ្លោងគ្នាទៅវិញទៅមកនេះកំពុងមានភាពតានតឹងយ៉ាងខ្លាំងនៅតំបន់ព្រំដែន ដោយកម្លាំងទាំងសងខាងបានប្រើប្រាស់អាវុធធ្ងន់ៗក្នុងការប្រយុទ្ធ។

អាជ្ញាធរមូលដ្ឋានបានអះអាងថា កម្ពុជានឹងបន្ដការពារអធិបតេយ្យជាតិរបស់ខ្លួនដោយមិនអនុញ្ញាតឱ្យណាមួយរំលោភលើទឹកដីកម្ពុជាឡើយ។